An zarah

mite’n tunah chuan i nu i ang min ti ve ta a, i pa ang maiin tawngtai thin ta che min ti bawk a

hmanah:- nun thuruk haichhuak tura siam ka nilo tih pawh ka hriat hmain mite chuan min lo nihsawh dauh tawh a, nuihsawh ka ni tih reng reng ka hre ngai lo. Tunah pawh ka hria a ni lo a, ka hrelo pawh a la ni chuang lo- ka haider lui tlat thin. Nun thuruk haichhuak tur hian engngemaw haider zuk ngai fo va! Chupawh an tihdan ka lak

ram pangpar

Bualina ka luh veleh a rik leh rum rum thin avang chuan rilru kimlo fein ka inleih mawlh mawlh a, an tih than dan leh ka nin dan ngai bawkin an aw teng fiak ring zet chuan ka lo inrin lawk tawh ang ngeiin, “missssssss, he beating” tiin pakhat a lo au tuarh a, chuveleh thiamthu sawi nan aw dangin a aia ki sangin “I not beating” a rawn tih chhunzawm zat a, a hahthlak, a ninawm, a hlimawm!

Ram pangparte chu sat turin thla khat pawh inbuatsaih lo mahila, kum li dawn chu a ni ta. heng hun chhung zawng zawng hian thil thalo leh lungngaihthlak, thinrimthlak leh ninawm tam tak ka tawng chung zawng zawng chu ka ram pangpar nui ri chuan a nawt reh leh vek thin.

Zawhna rapthlak:- kum khat chhunga an zawhna zawh ringawt hi barelah khung dawn ta ila thlakhat chhungin barel thum kan thenawmte barel tiat, noa lawng pawh a  thawl han han thei ang tih theih tiat vel kan hman chuan kum khatah chutiang barel 12 chu kan hmang dawn tihna a nih chu. An tawngkam in ‘very mathe’!!

Extract from The Dieter's diary-Kiss of walk

“Joe please ask them for a bigger size” I was smiling but cried deep inside and this was always the next sentence I pronounce after seeing the dress that I love. I wanted to, but I just did not know other than the crash diet which I gave up many times.

The baby fat syndrome- I’ve heard many people talking on their knees about how they’ve become fat since their goo goo gaa gaa days.  Well, maybe not in my case but I believe that the continuous calorie in and in and in makes the chubby baby to a chubby woman

Amah kha ka pu

Ka pu kha putar tia sawi theih tawh, lu tuak var vek tawh e ti lo khan pa fiamthu duh tak, pa harhvang leh a ngaihna hre zet mai; phawkphawhraw viau e ti loa pa phunchiar zet, phunchiar viau e ti loa thinrim thlazen lo, hmangaihna ngah viau lawi si a ni. Ka pa-in min hrilh thin dan phei chuan a thothang a tha-in rualkawm pawh a thiam hle a, thenawm khawvengte pawh a titi ngaithla turin an lo leng khawm tel tel thin. Pa rilru tha tak leh midang kawikhawm thiam tak a ni tih min hrilh thin bawk. Ka pi hi ka hre chiang hman meuh lo na-in ka pu chuan a chanchin min hrilh fo a, nu hmeltha tak a ni tih a sawi ngai lo a, mahse nu zaidam zet mai leh dawhthei tak a ni tih erawh min hrilh thin. A tu hmuh hmasak ber ka nih bakah mipa fa ka lo ni kher bawk nen ka pu chuan min duat hle a, ka pa ai mahin min ngaihsak zawk emaw tih tur a ni; ka nite ho paw’n min thik lek lek zawk thin tih lah ka hai lo. Ka pu kha mi bik a ni chu ka ti hauh lo a, mahse ka tana a hlutna riau kha a awm ve tlat asin.

Duhtak Amelia tana lehkhathawn

Ka fanu Amelia,

Ka fanu tia ko thei che ka ni em tih ka hre chiah lo a, 'ka nu' tiin min ko duh angem tih pawh ka hre hek lo. I hnena lehkhathawn theihna ka nei erawh tih ka hria a, i chhiar duh leh duhloh tur erawh ka hre lo. En teh, bawihte ka hmuh hma chein kum 2 dawn a lo liam leh ta reng mai. Eng ang mihring nge i nih a, eng ang mizia nge i neih? Eng kawngah nge ruat bik i nih tih pawh ka hriat hmain nausen ata hmeichhe naupang i lo ni dawn ta mai si a, damchhung huna mihring hmuhnawm lai ber, thianghlim lai ber leh duhawm lai berin ka kuahin ka pawm lo che a hrehawm ka tihna ai mahin heng hun liam tur lak let leh theih tawh siloh hi ka ui a ni.