LALPA TAN HARSATNA LIAN

            Zan khat chu ka tap vak mai a, ka kiang ah tumah an awm lo bawk a insum karna nei miah lo in ka tap ta nghek mai a, chu tih lai a ka thian pakhat thu min rawn thawn chu “Isua hmangaihna hi ka tahpui ngun asin” tih thu tawite hi a ni.

            "Lalpa engatinge kei kher”ti a ka inzawh chang apiang hian pathian loh tur kalo pathian a,r opui ber chu ka hai fo thin.

            Mi tinte hi harsatna tawk theuh kan ni a, keimahni tawk ah chuan kan harsatna hi te lua a awmlo a ni. Harsatna nei lo mihring tu nge awm ang le? Harsatna neilo mihring chu a mah a in hre lo a, a harsatna chu engnge a nih tih in chhut lo chuan amah a in hmu duh lo a ni. Chutuh laiin kan nun ah hian harsatna ni a kan hriat te hi kan rum pui fo a, “Lalpa engatinge kei kher” ti a mahni inzawtfo pawh kan tam ang, chutih hun ah chuan van ngaihtuahin Nun tak chu i bel ang u.

Khawvel a mihring piang chhiar sen loh zing ah hian ka neih awh khawp tur engmah ka nei lo a ni tih kha hmanah khan lo hria i la chuan ka hun kal ta enlet in tun ah hian ka hun ka hmang lo tur a nia. Pathian ngaihtuah leklo a ka harsatna ka pathian apiang in ka ti sual thin a, chu hun chu Pathian hmaa kun nanchang ka hriat loh hun a ni thin. Ka Pathian hi ka mamawh lo emaw ka tih hun apiang hi ka mamawh hun a lo ni a,ka mamawh a ni tih ka hriat meuh hi chuan ka thawk lak tur boruak ai pawh in ka lo mamawh tawh thin.

            “Lalpa,mi do tu te hi an va pung ta em! Mi bei tu te hi tam tak an ni”  tih Sam 3:1 ah kan hmu a, min do tu te hi kan mihring pui te chiah ni lo in kan hnathawh te leh kan chhehvel te hi an ni. Chu ti chung chuan Lal Davida chuan “Nimahsela, aw Lalpa nang chu ka velin ka phaw i ni a; ka ropuina leh ka lu dawm kang tu i ni e” a ti thung a ni.Isua hi kan nuna a tel tul zual lai tak hian keimahni leh kan harsatna te hi pathian a awl viau thin,chu mi hun ah tak chuan Lalpa tan harsatna lian engmah a awm lo tih thu hi kan hriatreng a pawimawh em em a, hla in “engkim ah tawngtai a kan dil loh avang in lungngaih mangan kan tuar thin” a tih kha harsatna sutkiana han inthlir let hian a ti chiang hle a ni. Joba 5:8 ah chuan “Kei zawngin Pathian lam ka zawng ang a, Pathian hnen ah ka chungthu ka kawltir ang” tih kan hmu a ni. Joba kha mi fel leh thinlung thianghlim tih a Pathian in a hmuh chung ah ngei pawh khan Pathianin harsatna mihring lam a rapthlak lutuk a thlen tir a,chu ti chunga Pathian lam a hawi tlat hi a entawn tlak hle a ni.

            Kan hma a tlang sang tak tak te lasawn tur chuan mihring te hian chakna kan nei lo a,chu tlang lawn chhuak tur a chakna kan khawl ngah emaw kan tih lai a lawn tur a kan inpuahchah lai tak hi chakna pek belh kan ngaih lai ber a ni. chu tlang lawn piah lamah a kawng awlsam zawng a tlang hel tur pawh chuan kan chakna hi khawlai a lungthil ai paawh in a chhuan tlak loh a ni.Chu hun ah ngei chuan a ni Lalpa tan a harsatna lian tham awm loh hun chu.