It’s only by God’s grace
It’s the 27th
Kum li ka nih lai a ka pa vanchen a sang,ka nu khawvela nu fel ber ni a ka ngaih thin kha,kum 15 ka nih chuan an tel lo a awm ve thei niin ka in hria,kum 20 ka nih meuh chuan an tel lo va awm thei lo ka nih zia nitin ka hre thar zel thin.
An inneih kum27 na a lo ni ve ta,kha'ng hun kalta zawng zawng khan ka nu leh pa khan nun awmzia min zirtir thin, “Hringnun hi enge a nih” tih hre chiang turin ka inchhir a,ka inchhuih a,ka inhnim a,chung zawng zawng ah chuan min chawikang reng ngai lo, amaherawhchu min chawikang turin ka kiang ah an awm reng thin.
Danglamna awmzia min zirtir a, hei hi a ni ka zirchhhuah chu “Thil awmzia ka tihdanglam theihloh chuan keimah hi ka danglam a tul si,chu danglamna chu ka pawm ngam tak tak em? Ka pawm ngam tak tak lo emaw ka thusawi ah ka ding ngam tak tak lo a,ka thil hriat leh duh te midang tana ka dah a, ka tana ka dah emaw ka pawm ngam tak tak lo a nih chuan danglam ka duh tak tak lo mai ni lo in, ka dinna chu a chhia emaw a tha emaw ka lung a awi tawk hrih a, ka tana tha lo pawh ka chunga thleng tur in ka phal mai a ngai ang” tih hi.
Hringnun thawnthu ropui tak tak te hi kan danglam nasat ngamdan a zira insiam a ni tih hi tawngkam in sawi lo mahse an nun ah an lantir si.
Zante hi ka banphak a a awm laiin chhun banphak ka chak a, ka hma a tih tur tam tak a awm lai in chawlh hahdam ka thlahlel si, chawlh hahdamna hun ka neih laiin ka hringnuna ka hmachhawp te ngaihtuah in hun ka hmang thin, hei hi a ni hringnun chu-chintawk reng neihlohna hi. Ka inchhir a,ka inchhuih a, chung zawng zawng ah chuan tho leh tawh lo tur a ka tluk phal ngai lo tu leh min chawikang a min kaitho thin tu chu ka nu leh pa te an ni.
Ram ropui thlen ka chak tih ka hria,chu hmun thleng tura ka tha neih chhun tlemte chu ka hman a tul tih ka hria. Tichuan engnge ka sawiin ka tih tak ang? Khawvel ka thlahlel a,amaherawh chu ka hmuh theihchhun chu heti hi a ni mai si. Khawvel hian ka hmangaih che u a ni tih hi hria se ka duh mahse ka khawvel zimte ah lo chuan ka puang darh thei si lo. Engnge ka thlakhlelh in ka tih tak zel ang, ka nu leh pa hmangaihna chhan let mai loh chu.
(He thu tawite hi ka nu leh pa Upa M.Thansiama leh Lalkhawngaihi Electric Veng,Lunglei te inneih champha vawi 27 na atan a ni)
U nu leh pate i chawimawi thiamin an hlutna i va puangchhuak thiam tehlul em! Nupa hlim tak niin fate tana i thuziak ang khi lo ni zel se, midang tana dam reng turin duhsakna ka hlan e.
ReplyDeleteAn mitin thil mawi a hmuh theih lai leh, an kain thil tui a la hriat ve laia an chakzawng leh duhzawng tihsak theih hi ka chak ber a ni thin. Fanu hrin man awm tak i niin ka hria. I ziak tha lutuk e.
ReplyDeleteka lawm e ts ka nu leh pa te hi kum27 chhungin an inhau ka la hre miah lo
ReplyDeletedolerich ka lawm e, i lo leng lut thin a, an damlai ngei hian mi chawmawi thin ila, an hlutna kan tihpun sak a ni dawn si a. nang leh kei hi tnag zel ang aw -rose
A van tha em!
ReplyDeletethank you ralte.ka thlawk vawng vawng - rose
ReplyDeleteI thuziak hi rin aiin chhiar a nuam in thu i thiam riau ka ti,.. i nu leh pate chu tarkun khup bilh-a dam turin ka duhsakna sangber ka hlan e...
ReplyDeletei fel e, hmelthate nang nge nge! tar kun khup bibin dam la ka va'n ti em!
ReplyDeleteZiak tha thei mange. Inneih champha 27 ka lawmpui che. Nu leh pa hlutna hriaa chawimawi thiam apiang hi mi fing leh zahawm an ni.
ReplyDeleteAva lawmawm ve aw. A ngaihnawm e. Pathian hmangaihna hi Unconditional Love nia ngai ka ni tlat thung ania.
ReplyDeleteIn nu leh pate chu heti hian ka lo lawmpui ve ange- "When I see a married couple remaining true to each other, they remind me that this world is not yet forsaken by God and that marriage is instituted by God for His dwelling place".
Krista mo kan nih hi aw..... :)
Ziak thiamin chhiar a nuam hle mai, nu leh pa fel tak i nei a, an fate pawhin in chhun ngei ka ring.
ReplyDeleteRei tak dampui tur che u in i nu leh pate duhsakna ka hlan e
Krista. I ti lawmawm e, ni e krista mo kan ni
ReplyDeleteTriple star,anni pawh an lawm ve ngei ang i thusawi hi hria se chuan! Nang malsawmna ni zel ang che!
Sam ka lawm e :) nang deuh asin zahawm ni!