LO HRIA ILA

En teh! Ka lunglen kur nasat vang pawh ni loin heng hi ka ngaihtuah a

Hmanah, hmanah kan inhriat tirh khan tuna ka thutnaah hian thuin i tan he thu hi ka sawi dawn a ni tih hria ila,  i tana ka sawi tur zawng zawngte hi ka la hre reng dawn a ni tih hria ila, thu zawng zawng hi i tan tih famkimin awmse ka tihzia  hria ila, hahdam takin nang ka nei ta a ni tih hre chungin ka mu dawn a ni tih hria ila, nimina ni lo lang a ropui ang bawkin naktuka ni chu a ropui dawn a ni tih hria ila, thawm reh takte hi i hnena thu sawi nan ka hmang dawn a ni tih hria ila, hlimna hi tahchhuah a ni tih hria ila, nangmah vangin nghakhlel takin ka hma hunte ka thlir dawn a ni tih hria ila, ka thutiamte hlenchhuah tumin ka tha tawpin, theihpalingkawhin ka tang dawn a ni tih hria ila, kum tam ka nghah chhuah tur ka nghak ta tih hria ila, nang ka zawng zel tho ang che

Hun hian khawnge min hruai dawn tih hre lo in hun ka thlir a, ka hre lo, hun chauh hian hun kalna a hre si a, thlifim min chhem thintute, ngaihtuahna vanram ang maia par vulmawi thin te, thatlai hun chuai theilo nia kan ngaihte,  nunmawi leh par vul chekte, hmangaihna mawiber nia kan hriatte, zing ni chhhuak rangkachak ang maia tle set set te, tlangchhip var vo ang mai leh fur khawthian ni te kha an awmna hre chhun chu hun chauh a ni si, kha hun, hun tawp tur a kan ngaih, hun mawi leh duhawm awmna kha hun chauhin a hre si a, hun chauhin hun awmna a hria tih lo hria ila, tun hunah hian i tan tiin he thu hi ka sawi a ngem?

Zinga ni chhuak mawi takte hi ka tan leh i tan a  ni tih lo hria ila, van pawl thiang kak kara chhum paw phet te hi kan tan  ani tih lo hria ila, chhun pachan laia thifim thaw heuh heuhte, tlai ni tla turin vamur rual a khawm thinte, zan thim hnuaia chhum leivak paw chiai te, zan reh thiang tak ti mawi zual tura arsi mawi eltiang leh zan thawm ri te hi kan tan a ni tih lo hria ila nang ka kianga i awm hi ka lawm zual tur.

Thil hlu ka tih tam takte ka paih bo phal lo ang bawk hian nang, nang ngei hi ka kianga awm reng la ka ti thin. I tana ka hlutna ai mahin ka tana i hlutna hi i tehna atang ni loin ka tehna atang hian teh la, hrethiam la ka va'n ti thin em! I hlutna hi engzat nge tih sawi famkim tura thu mawi eltiang leh famkim neih ka va'n chak em! Hun rei lote pawh hun hlu tak a ni thei  a ni tih lo hria ila, hun hlutna tehfung chu thinlung chauh a ni tih lo hria ila, heng zawng zawng hi ka hre duh a ni tih lo hria ila, mahse a pawi lo e, nang ka kianga i awm reng dawn tih ka hriat avangin.

En teh! ka ngai ngawih ngawih dawn che a ni tih lo hria ila, ka hmangaih ngawih ngawih dawn che a ni tih lo hriain, ka hringnun thawnthua mi pawimawh ber i ni dawn tih lo hria ila, nikhat lek hi ni pawimawh tawpkhawk a ni tih lo hria ila tunah i tan he thu hi ka ziak angem tih hi ka la inzawt nawn fo asin!

Tunah chuan en teh! hmangaihna daih hun tawng turin ka la inpuahchah lo a,ka la ngam bawk hek lo. Chuti khawpa huaisenna ka neilo chung pawha pasaltha ang maia thangchhuah puan min bah tir tak hi! Ka lawmna zawng zawng hi  i tehna atang niloin ka tehna atang hian teh ila,a luanliam nasat zia hi hmu ve la ka va'n ti thin em! Dikna, hmangaihna, huaisenna,lawmna leh hringnuna thil tha zawng zawng te hi tunge min hmuh ang a tunge min pe ang tiin ka hawi a,ka inzawt fo thin! Kan pa vana miin tunge ka hnena heng rohlu te thleng tur hian a tirh ang tiin ka zawng fo a, ka zawt a, ka ngaihtuah fo thin, tichuan nang ka hnenah pekin i awm ta a, tunah hei heta hi ka awm e, ka kutah ka hum phak baka khata a liam tak hi! Lungngaihna hi mitui tla zata teh ni thin mahse a zat chiah chu thinlung chauhin a hre si, i chunga ka lawmna leh hlimna te hi a hmutute'n a an teh ai mahin ka thinlung tehnaah hian a khat liam a, a khatliam reng fo bawk ang. I chunga ka lawmna leh ka hmangaihna che hi mittui a teh tur ni ta se, ka mittui te hi an tlem luat avangin nitin ka insawh ka insawh ang chu!Nuih hi a  atthlakzia chharchhuaktu awmin tah hi hlimchhuah  ani tih hretu awm mahse nang ka kianga i awm avangin ka tan chuan engkim mai hi a parvul asin.!

 I hria em ka hre lo, ka hrilh tawh che em ka hre lo he thu hi. mangtha tih hi thu lungchhiat thlak ber a nih hun chuan kkhawvel hi engnge a nih ka hre tawh lo mai thei a, khawvel hian a fachuam leh a chawm len ka ni tih a hre tawh lo maithei bawk. Tin, tunge ka nih i hre tawh lo mai thei a, tunge ka nih tih emaw tunge i nih tih ka hre tawh lo maithei, chutih hunah chuan khawvel hian engnge min pek dawn ka hre lo a, khawvel hi engnge ka pek ang tih ka hre hek lo, tun atana khawvel ka pek theih leh khawvelin min pek chu ka ta i nih avanga ka lawmna hi a ni. ka tana i hlutna hi i tehna atang ni loin ka tehna atang hian hmu thiam ve la ka va'n ti em!

Ka chaklohna avanga nitina ka kun thinnate, ka thinlung lo nat tawh avanga hliam reng tur emaw ka intihna te, ka natna leh ka tha zawi ta nia ka ngaih hun zawng zawng kha hun mai mai niin ka ngai ta, hun khawhral nia ka innngaihna erawh a ropui em tiin tunah hian ka inzawt mek asin!

Nangmah leh tunge i ni tih ka hriat ai maha hre chiangtu che, tunge ka nih a engnge ka nih tih min hriat ai maha min hrechiangtu kan Pa Vana mi hmangaihna atanga chhuak hmangaihna hi ka tan a va'n hlu em! He thu sawi tur hian tunge ka nih a engnge ka nih ka hre lo a mahse nangchu ka tan tunge i nih a engnge i nih ka hre thung si. Hei ringawt pawh hi ka tan chuan thawnthu sawisen loh leh thawnthu tawp thei lo tur a ni si, engpawh nise nang ka tawn avanga ka hlimna hi tehchhuah rual a ni lo tih ka hrilh che ang a, ka hrilh nawn fo bawk ang che, ka tan chuan thusawi nuam tawpkhawk a ni si a.

"Engvang nge" tiin ka zawt lo che a, i chhanna pawh ka nghak bawk hek lo. He zawhna hi zawhna pawimawh ber  a ni em chu ka hre lo a mahse a chhanna chu nang leh kei aiin kan Pa vana mi khian a hria asin, i neih rohlu leh i mawina ka thlan chhan chu maw a mawi ber i thinlung, i rohlu leh i mawina awmkhawmna hmun mawizia ka hmu a, a mawina tizual turin nang i lo ni leh zel nen. "Mahse" ka'n ti teh ang, i tana ka mawina ka zawng a ka hmu lo, i tana rohlu tia chhiar tur ka neihah ka zawng a ka hmu lo, engnge i lakah chhuan tur ka neih ka zawng a, ka ngaihtuah a ka la hmuchuang lo, zan tairek ah kunin khuavel ka chuan a, vartianah i tan bawk he thu ngaihtuah hian ka chuan leh a, ka mawina ka la hmu lo heichauh lo chu..ka ta i ni tih hi.

Nangin min hriatna ai mahin keiin ka hriatna cheah ka lawm a, i tana ka hlutna ai mahin ka tana i hlutna hi a nasa si a.

Nang ka hriat avang che hian nakin ka thlir a, ka nakin hun roreltu kan Pa vana mi chuan nang a telh ve che avang hian hlim takin ka thlir thin. Nakinah,Nakinah chuan, tar kun khup bih leh tar kiring kan la ni ang, chu  hun chu ka hmu a, tar zawng zawng an tar zel angin nang leh kei kan tar zel lai ka hmu a, hunin min hruaina tur hre lo mah ila chu hun chu ka hmu tel bawk mahse hei aia nasa ka hmangaiha a, ka duh a, ka ngaih zual hun tur che erawh ka hmu lo, tunah hian a nasa em a ni. en teh! He hla chang hi ka hrilh ru ang che

now you're my whole life

now you're my whole world

I just can't believe the way I feel about you

Like a river meets the sea,

stronger than it's ever been.

We've come so far since that day

And I thought I loved you then

Tunah chuan ka hre ta, ka lawm a,ka lawm thin tih hi,a la tlai lo tiraw? keizawng heti mai hi ka ni tih  i hria a, chuti chung pawha ka tana i thinlung i senna avang hian ka lawm a, ka lawmnain van a kai mawlh mawlh a ni tih hi! Malsawma ka awm na hi thil tam tak ka hria a, lawmthu sawi sen loh ka nei reng mahse nang ka hnena peka i awm leh zel hi malsawmna zawng zawnga malsawmna lungliam leh hlu, lawmna piahlama lawmna a ni tih ka hrilh leh ang che aw, ka tan hian i va'n hlu em! thu zawng zawng hmangin sawi fiah dawn ila ka thinlunga i hlutna leh nangmah avanga ka lawmna hi ka sawi sneg dawn chuang si lo

I lawmna ai maha ka lawmna ka teh theih vang nge ka hre lo a, i tana ka hlutna aimaha ka tana i hlutna ka tehthiam vang nge ka hre hek lo, ka thiam danin ka teh a, ka finna ai mahin ka atna ka hmang tangkai a, ka remhriata aiin ka mawlna ka hmangthiam bawk a mahse i tan ka mawi em tih ka la chhutchhuak lo fo, ka hmangaihna che te,ka duhna che te, ka tana i hlutna te, i mawina te, ka ngaihzia che te leh ka tana i tlin zia te i tan leh ka tana dik famkima sawifiahna tawngkam ka hmu si lo chuvang chuan nitina ka lawmna hrilhfiah na turin ka thiam dan berin he hla hmang hian ka hrilh ang che

For all the times I felt cheated, I complained

You know how I love to complain

For all the wrongs I repeated, though I was to blame

I still cursed that rain

I didn't have a prayer, didn't have a clue

Then out of the blue

God gave me you to show me what's real

There's more to life than just how I feel

And all that I'm worth is right before my eyes

And all that I live for though I didn't know why

Now I do, 'cause God gave me you

For all the times I wore my self pity like a favorite shirt

All wrapped up in that hurt

For every glass I saw, I saw half empty

Now it overflows like a river through my soul

From every doubt I had, I'm finally free

I truly believe

God gave me you to show me what's real

There's more to life than just how I feel

And all that I'm worth is right before my eyes

And all that I live for though I didn't know why

Now I do, 'cause God gave me you

In your arms I'm someone new

With ever tender kiss from you

Oh must confess

I've been blessed

God gave me you to show me what's real

There's more to life than just how I feel

And all that I'm worth is right before my eyes

And all that I live for though I didn't know why (didn't know why)

Now I do (I finally do), 'cause God gave me you (God gave me You)

"Ka lawm e kan Pa van a mi nang ka hnenah peka i awm avangin" tiin nitin nang leh kei tan ka kun a, nakinah, nakinah lo hria ila ka tih lohna turin

He thu hi ka hrilh leh ang che "Ka hmangaih che a, ka hmangaih reng bawk ang che" tih hi