DI TAWN

Dika chu a lungleng a ni. A lungleng a ni satliah lo,lunglenna chuan a thuhnhuaiah a dah tlat tawh a ni. Zan a mut that theih loh avangin zing ni rawn chhuak tur kawl rawn eng tan chu thlirin kum sawm liamtaa  thil thleng te chu a ngaihtuah neuh neuh a. A thiamloh vek a ni tih hre mahse siam that theih  a ni tawh si lo. Engtin nge niang? Enga ti nge? A thil tawn a piang chu engatinge tih  ani vek tawh. Tun hun hi a thleng dawn tih chu hria se chuan a pumpelh dan tur ngaihtuahin a buai zawk tur a ni si. Khang kum leh chen a lunglenna lo tawrh tawh te kha a tuar chhuak dawn ta emaw tiin thla hnih chhung a lo thlir tawh 'nimin' chu a beisei ang a ni ta si lo. A na a ti tih hai theih  a ni lo a,chu zing khaw var tur engmawi tak chu thlirin a nun hlui chu a ngaihtuah neuh neuh a.

            Kimkimi chu tleirawl chumlam, ngo lampang nungchang tha zet mai a ni. CL-VIII an nih lai chuan Dika te nen pawl khat a awmin Dika chu an class C.R a ni nghe nghe. Kimkimi chuan sawi lem lo mahse Dika chu a star ru em em a, rawlthar hawiharh tih tak ah Dika chuan hma la in an inngaizawng ta tlat mai, hun a kal zel a rinphak bak in Kimkimi chuan a la lungrun ta tlat mai. Vawi tam tak a rilru na mahse Dika chu a ngaidam thei zel a,Dika lah chuan chu chu a hre khiau mai si.

            Kum khat aliam hnu chuan an inngaihzawn na cham lawm pah in an thian ho chuan picnic an rawt a, nuam an ti hle nghe nghe. Chu ni tak chu Kimkimi chuan hriatreng a duh avangin a huaisenna zawng zawng sawmkhawm in Dika chu a hmangaih a ni tih a hrilh nghe nghe mahse Kimkimi chuan a beisei angin chhanna a dawng ta hauh lo mai.

            “Englo a nia,ka hmangaih che tih hrilh ka duh a” ti a zak tak chung chunga a sawi lai pawh chu a mitthla ah chuan a chiang ngei mai. Dika nen chuan ngawi rengin darkar chanve chuang engmah sawi lo in an ding tawh a Kimkimi hrilh hai mangang chuan

            “Ka hnenah engmah sawi tur i nei lo em ni?”

            “Mmmm..Englo a nia.Ka hmangaih che tih ka hrilh thei lo che. ‘Ka duh che’ tih ah hian lungawi mai rawh.Ka hmangaih tawng ni a ka inhriat hun ah chuan nitin ka hrilh ang” a ti ta daih mai a. Chutia a beisei loh tak a chhanna a dawn takah chuan Kimkimi chu a zak bawk si,rilru na bawk si chuan sawi tur a hre tawh lo. Dika vek chuan “Min hrethiam la ka hmangaih thei lo ang che ka tih na ni lo in,ka duh che a, ka duh lutuk che tih ah ngai mai rawh" a ti ta daih mai. Chu thu ahan hiat chuan Kimkimi zak leh rilru na bawk si,a hmangaih em avang chuan dika’n a hmangaih ve hun nghak mai tur in a rilru a siam ta a.

            Hun a kal zel a, pawl sawm pawh an zo ta der mai.Khang kum thum chhung khan vawi tam tak Dika chuan rinawm loh sanin vawi tam tak Kimkimi chu rilru na tak takin a siam thin mahse ngaihdamin a awm zel thin a.An exam result chhuah tlai chuan Kimkimi leh Dika chu inhmu turin an intiam a, Kimkimi chuan minute 15 a nghak a,a lo la thleng si lo,darkar chanve a liam a,a la rawn lang lo darkar khat a liam ta,kal mai tur a a insiam lai chuan a thiannu Asawmi nen an inhmu a,Dika a hmuh leh hmuh loh a zawt a, ani chuan Heleni te nen a hmuh thu a lo hrilh ta mai. Kimkimi chu a na leh ta,a tuar thei ta bik lo,rilru na tak chuan a hawng a,in an thlen chuan a nau in Dika te an accident thu leh a hmeichhe phurh nen damdawiin ah an awm thu a hrilh ta mai.Rang mangkhengin Kimkimi chuan damdawiin lam chu a pan ta nghal a.

            Mahse tumahin an lo hre lo, amah mai chuan dika chu a va hmu ngei a lawm,a bul a mi pawh a thiannu Heleni ngei kha a ni. Dika farnu chuan an inkawm thin thu a hriat te,a bialnu nen an lenna ah tawhsual an tawh thu te a lo hrilh a,a rilru an lutuk awmngaihna hre lo  chu a tlanchhuak ta ringawt mai a.Thil dik ni theiiin a hre lo,ward chhung a va luh a thil va zawh chian duh mahse a ngam ngang lo. Ngun takin a ngaihtuah ta, thil ni thei a ni,Dika hian a va lo bum nasa em!A birthday tlai a Heleni leh Dika'n thil engnge maw ni an inpe lai a hmuh te, an picnic ni tlai a Dika leh Heleni te an bo daih te,valentines day-a rose sen pahnih a rawn ken, pakhat a nau tana a tih te,zan ah a rawn leng dawn emaw  a tih chang a a rawn kalloh a chhuanlam zozai te kha, a tam lutuk, a ngaihtuah ngam tawh lo, a ngaihtuah tam poh leh a rilru natna a tam zawk dawn a ni tih a hriat avangin a ngaihtuah duh tawh lo. Kar hnih chhung zet hrehawm taka hmangaihna in a hmeh zawi tak hnu chuan nun thar a nun tumin a rilru a siam ta a

                        “I’ll always remember the first time I saw you

                        Ever since I know I'm going to have a chance

                        If there is hope there’ll be chance

                       That one day we won’t collide”  tih thu an pahnih a an phuah pawh chu a hmuh phak loh ah dah a tum ta a.

            Hun leh ni te a ral zel a, Dika te chetsual atang chuan an inhmu leh ngai ta lo. A hnu rei vak lo atang phei chuan an chanchin pawh an inhre tawn tawh lo, Dika pawh rawn tha chhuak leh in a zirna te pawh a chhunzawm ve leh ta. Nikhat chu a nitin tih dan in Dika chuan nitin chanchinbu chu a keu mai mai a,phek hnuai lam a mi chuan a mit a la ta hle. Kum 1995 a an school-a pawl sawm zirlai hlui te  inhmuhkhawm tur thu a hmu a, a rilru ah kimkimi a rawn lang nghal a,engnge a chhan a hre lo, Kimkimi  a hmuh chak na chuan a rawn tur ut ut ta nghal mai. An inhmuhkhawm hun tur a ruat lah chu thla hnih hnu daih ah a la ni si.engpawh ni se a huaihawt tu Malsawma  chu bia in a hming  a pe lut ve ta nghal a. A nun bung thar rawn intan na tur a ni tih a hre lawk hauh si lo.

            Engatinge a chhan a hre lo, Kimkimi a ngaihna chu a rawn thar leh ta.Theihnghilh tum a rilru a siam lai mek a ni. Khuanu ruat ngei an ni tih nem nghet tu tur a ni em? tih te chu a rilru a  zawhna lang tam ber a ni. Chu thla hnih chu Dika tan chuan a rei ngei mai,second tin hian a nun rawn her thar tur hun chu hnaih tir zelin  a hre thin. Helen-i nen an chetsual hnua a rawn harh chhuah leh a KImkimi nen inhmu tawh lo tur ang a a inngaihtuah zan a a lungchhiat zia leh a tah nasat zia te kha a hre chhuak a, a thiamloh vek a ni, a dikloh vang a inthen anni tih a hai lo, a rin ang ngeiin Kimkimi nen chuan an inhmu tawh lo reng a ni.

            Kimkimi tel lo a awm ve thei ni a a inngaih laiin, a kianga a awm loh chin a Kimkimi a thlakhlelh zia te ,Kimkimi nunzia in  a lo thuhnuai dan te, a thiantha leh a ngaihzawng nih a tlin zia te a hre chhuak thar ta. Hmangaihna awmzia chu hre ve ta in a in hria. Dika chuan a rilru siam in kimkimi chu a hmangaih a ni tih a pawm ta thlap. Mipa a nih chuan a hrilh tur a ni mahse a rilru a buai ta tlat. An inhmuhkhawm hun ah Kimkimi chu a tel ve ang ngem? Kimkimi chuan a la pawm leh thei ang ngem? Thingthi-a ngaihdam dil leh a,a hmangaih thu hrilh tur chuan a rilru a siam fel ta a, dawhthei tak si, phur tak chung leh huphurh tak chung si chuan hun in hril dan chu a thlir ta a

            Inhmuhkhawmni a lo thleng ta, an kim hlawm ngei mai. An pawl ho chu an lo inkawmngeih thin hlawm bawk a, lunglen leh nunhlui ngaih nen sawitur an ngah hlawm ngei mai. Dika chuan kimkimi chu a zawng nghal a mahse Mafeli chuan a lo kal tlai tur thu a lo hrilh ta si, dawhthei taka nghah chu a ngai leh ta. Hmanah Kimkimi chu nghaktu ah a tang thin, tun ah erawh Dika nghah hun a thleng ve ta, a hrethiam, Kimkimi a puh phal lo,hmangaihna chuan dawh hram hram tir in, a nghah hram hram tir a ni tih te chu a hrethiam ve ta. Aw!Kimkimi chunga a thil tih zawng zawng te kha siamthat theih a ni tawh si lo mahse Kimkimi chuan a lo hmangaih tak tak a nih chuan a ngaidam in a lo pawm leh tur ah a ngai a,  chu ngaihtuahna chauhthubarawh tak ah chuan a in nghat ta ringawt a ni.

            Chawei dawn ah chuan Kimkimi chu a rawn thleng ta ,Dika chu a buai ta map mai. A lung hlui te rawn leng leh in Kimkimi chu a pan ta nghal a. A phur bawk si, a zam bawk si, Kimkimi a chibai lai pawh chuan a tiril ah a la khur der der tho mahse a tawngngam ta tho a

            “E!Kimkim i dam maw?”

            “Aw dam e.”

            “Nakin ah ka be lawk hman che a ngem?”

            “Nia ka hman chuan aw” tih pahin kimkimi chuan a thian te a pan phei ve ta nghal a.

            Zan dar 8:00 a rik chuan boruak pawh a lo dai ta deuh a, zan khawthiang leh thlifim chhim turin Kimkimi leh Dika chu an inzui chhuak ta a. Chutia an inhmuh loh hlan a an hun hman dan sawia an phulhlut lai chuan inchhung lam atang chuan

                        “I'll always remember,the song they were playing,

                        The first time we danced and I knew

                        As we swayed to the music and held to each other,

                         I fell in love with you

                        Could I have this dance for the rest of my life,

                        Could you be my partner every night,

                        when we're together it feels so right,

                        Could I have this dancefor the rest of my life”

tih Anne murray sak an han hria chu thehhmeh ang mai in a reh ta tlawk tlawk a. Dika chuan Kimkimi chu a ennawn leh thin, a tleirawl lai ai chuan a lo duhawm tawh takzet bawk nen a insum zo lo chuan Kimkimi kut la in a kuah ta vawng vawng mai a, insirial in muangchang in chu rimawi chu an lam pui ta a, an lung a leng dun ngei mai.

            Kimkimi chuan thil hre chhuak thut niawm tak in a phuzawk a, Dika kut ata chu a tal chhuak ta a, Dika mak ti chuan thingthi hnawkin ngaihdam a dil ta a, tun tum zet chu Kimkimi ngawih a tul ve ta tlat. chutia an ngawih reng lai chuan Dika chuan Kimkimi mittui chu a hmuhhmaih lo,a kut nem tak chu la in

            “Kimkim ka inchhir takzet a ni,min ngaidam rawh”a ti nawn leh a mahse Kimkimi chuan sawi tur a nei lo. Dika bawk chuan,

            “Min ngaidam thei lo a nih paw’n ka hmangaih takzet che a ni tih hi min pawm sak hram rawh. Ka hnenah ka hruai let leh ang che tih hi ka lo beisei reng a sin. Chu beiseina chu a lawm tun thleng a  min la ti hlim thin tu chu. Ka hmangaih che tih hi ka pha ta hauh lo mahse sawi tur in hun ka hmang rei bik em a ni” an ti leh a mahse Kimkimi chu a la ngawi tlat. Dika bawk chuan

            “Engngatinge hun hian a tih buai che? Nangmah avang a ka beiseina leh ka hmalam ka lo thlir na zawng zawng te kha.........hun hian hmangaihna a thunun ta em ni? I chung a ka thil tih zawng zawng te kha ka inchhir lutuk, ka siamtha thei tawh lo tih ka hria mahse min ngaidam hram rawh...” a sawizawm thei tawh lo. Chutia rei tak Kimkimi nen an ngawihreng tak hnu chuan Kimkimi chu a  rawn tawng chhuak ve ta “Dika ka hmangaih che tih hi ka pha hauh lo mahse nangmah avanga ka tuarna zawng zawng te,theihnghilh che ka tumna a ka tuarna te kha.........midang nuna thil thleng ka mitin a hmuh ve mai ang ka ngaih luih tlat na te hian ka nun hmalam tur ah beiseina min pe zawk. Thla leh ah pasal ka nei dawn,min hrethiam la ka lo let thei tawh lo a ni”a ti chuai raih mai a.

            Chutia dika duh leh beisei ang a a lo thlen tak loh ah chuan amah vang a ni tih a hria chhel taka tuar tumin a rilru a siam ta nghal a.Kimkimi chu a puh phal lo,Kimkimi’n khang hun leh chen a thlazar hnuai a a dah lai a a rinawm loh san dan leh a rilru putdan thin zawng zawng te kha a la theihnghhilh lo, nimin ang mai a thil chiang a ni, mahse thil pakhat sawihmaih a la nei ‘Engtiklai pawh ni se Kimkimi tan a awm reng’ ang tih chu. Zan dar 9:30 a lo rik meuh chuan tin zai an rel ta hlawm a,Dika chuan Kimkimi hnen ah chuan lehkha te pe in

                        “I’ll always remember the first time I saw you

                        Ever since I know I,m going to have a chance

                        If there is hope there’ll be chance

                        That one day we won’t collide” tih thu ngei chuanna chu a beng bul a phun sep pah in a hun lo kal zel tur ah duhsak na a hlan a,engtik lai pawh a pan theih  a nih thu a hrilh nghal bawk a. Kimkimi  lan tawp thleng chuan an nun hlui theihnghilh phal tawh loh nen chu nunhlui chang mai tur siamtu chu an thlir liam ta a ni.

            Khang hmangaihna mawi leh duhawm,a hun laia a lo hriatthiam loh pawizia te ngaihtuahin in lam a pan zel a. Siamthat theihtawh loh mahse Kimkimi’n a mamawh ber laia a tan a awm reng tawh tur a a rilru a lo siam lai mek chuan in chu a thleng ta der mai. Inchhung a han lut chu a nau Lucy chuan hla mawi em em mai a lo ngaithla a, chu hla ngei mai chu a han ngaihthlak chian chuan khup zawi hnawk in a tlu ta a

                        “Hello darlin' nice to see ya

                        it's been a long time

                        you're just as lovely as you used to be

                        how's your new love are you happy

                        hope you're doin' fine

                        just to know it means so much to me

                        What's that darlin' how am I doin

                        I'm doin' alright except I can't sleep I cry all night 'till dawn

                        What I'm tryin' to say is I love you and I miss you

                        and I'm so sorry that I did you wrong

                         Look up darlin' let me kiss you

                         just for old times sake

                         let me hold you in my arms one more time

                         thank you darlin' may god bless you and each step you take

                        bring you closer to the things you seek to find

                         Goodbye darlin' I gotta go now

                         gotta try to find a way to lose these memories

                        of a love so warm and true

                        and if you should ever find it in your heart to forgive me

                        come back darlin' I'll be waitin' for you

                                                                                                                       19/2/2007