SUICIDAL IDEATION- RELATED FACTORS, MANAGEMENT AND MICONCEPTION IN THE SOCIETY

Introduction:- Mahni inthah hi khawvel a thih chhan tamber zinga sawmpathumna niin khawvel pumpuiah kum khatah mi maktaduai khat chuang mahni inthat anga chhinchhiah a ni a, natna chi khat a ni bawk.  Suicidal tendencies tih hian a awmzia ber chu mahni inthah duhna tih a ni a, hei hi thil dang vak niloin rilru natna chikhat a ni a, tin rilru lam damlohnain a hrin a ni thei bawk. Mizoram kum 2011 dinhmuna mahni inthat chhinchhiah zat chu mi 71 niin hetah hian inawkhlujm 63, inkaphlum 4, inhalhlum 1, tuizema zuangthla 1 leh inchhawng atanga zuang thla 2 an ni. Mahni inthah duhna rilru nei hriat theih zat chu mi 472 lai an ni a, hei chauh hi chhinchhiah a nih avangin chhinchhiah bak engngemawzat la awm tura ngaih a ni bawk.  Heti em em a mahni nunna la an lo pun nachhan hi zirchian fe tham a ni a, kan sawi ho dawn bawk a ni.  Mahni inthah chungchang hi ni tam tak zirho tham awm mahse  tlem lo zir ho hmasa ila

Aetiology/causes :-

Psychological disorder :- rilru lam damlohna avanga mahni hnuk chhah duh mai an awm thin. besei nei lohna- rilru in thil tam tak a ngaihtuah a, engkim mai chheta veka inhriatna te,  hmalama beisei neih reng reng lohna ang chite hi a hriat theih dan awlsam tak a ni.  Tin, depression, anxiety, thin thawk , thin butut  leh delusion nei te hi an risk a sang hle a, uluk taka enkawl a ngai a ni. Heng rilru natna kan tih ho ah hian rilru natna rei tawh (chronnic psychological sickness) nei ho aiin natna ka rei lo mahse a tawn san chhung rei lo tak tak (acute psychological sickness) nei ho hi an risk a sang leh zual a ni. Tin, midanga inghat nasa lutuk chi leh mahnia takhran ngamlo leh mi huaisen lo, mahnia thil hmachhawn tlemte , ruihhlo ngawl veite leh schizophrenia (delusion leh hallucination)  neite hian mahni inthah duhna an nei nasa hlea hriat bawk a ni.

Physical disorder :- natna benvawn neite entirnan- cancer, HIv, hepatitis leh natna hrang hrang tihdam theihloh nei ho te hian withdrawal an neih nasat avangin mahni inthah mai duhna an nei na sa em em thin.

Psychosocial factors :-

environment-in a zirlohna avanga personality disorder nei entirnan-chhungkaw inghirngho na avangte, ngaihzawng-a buaina avangte, tin, zirna avangte leh presurre nasa lutuk environment a cheng ho te leh retheih luat lutuk avangte hian mahni hnuk chhah an awlsam thin.

Parenting factors :- khawtlang inenkawlna in a huam tel theih si loh a ni. Nu leh pa tam tak chuan an fate an khuahkhirh nasa lutuk a, an fate zalenna leh an rilru phawrh thawlna hun an pe lo thin. tin, an fate mize puthmang hrelo a an khuahkhirh avangte, nu leh pa hriatlohna avangtein thanglai nunah chuan nun ninna awlsam takin a lo awm a, chu chuan mahni hnuk chhah duhna a siam fo thin bawk.

Personality-  mihring chi hrang hrang kan awm ang bawkin mize hrang hrang kan nei theuh a,  zirchhianna in a tarlan dan chuan mahni inthat zinga 3/1 zel hian personality disorder an nei ni a chhutchhuah a ni. Personality disorder han tih hian phutkhat deuh tihna  ani kher lo a, he’ng- mihring zeizia nei lo lutuk- introvert personality te, tin piknik-thau chum buang tawi deuh turh hoo te hi depression an neih duh avangin an risk a sang hle bawk. Mi inthlahrung tak leh zakzum tak zia ho hian mahni inthah an hreh lo thin –a chhan chu heng mite hian inferiority complex an nei nasa a, mahni hlutna aiin an hlutlohna lam ngawt an ngaihtuah a, an inthlahrung em em a, awm ve lo se tha zawk turah an ngai tlat thin.

Defence mechanism:-

Hei hi chu kan taksa emaw kan rilruin emaw na leh hrehawm a tawrh changa kan intih lungawina hmanrua a ni. Mihringte hian defence mechanism hrang hrang kan nei a chung zingah chuan compensation te, substitution te leh displacement neite hian mahni nunna lak an hrehlo tlangpui.

Risk factors :-

 Age-  kum la naupang deuh ah a thleng duh bik. Tin, puitling tan entirnan kum 15-40 inkarah  a tam ber a ni

Marital status:- nupui/pasal la nneilo, nuthlawi/pathlawi ah te hian a tam bik nia hriat  a ni.

Sexual orientation : mi pangngai aiin lesbian te, gay te leh tran sexual ho zingah a tam a, a risk a sang bawk

Disease : depression leh anxiety nei ho hi an risk a sang hle a, tin ruih hlo ngawl vei ho te leh zuin nasa mite hian mahni nunna lak an awlsam hle bawk nia ngaih a ni.

Gender : hmeichhiate aiin mipah mahni inthahna a hluar zawk. Mahni inthat zawng zawng zinga zaa 80 te hi mipa an ni.

Repetiton :- Mahni inthah lo tum tawhte zingah hian inthah leh tumna a awm nawn chawk bawk.

Arms- hriamhrei leh mahni intih nat theihna –silai leh engilo kuta a awm chuan miin mahni nunna lakduh thutna a nei thei thin a ni.

Suicidal ideation- a chhan-mi tuemaw chuan eng hunlai emaw hian thih chak riauna emaw a lo nei thin a, chutih hunah chuan a mizia atangin a risk a san leh san loh a chhut ve mai theih thin. mi pawlawh tak leh mi ti puat puat te, thinthawk neite hian chutiang rilru an put chuan chet chhuah mai chakna an nei fo a, enzui fo an ngai reng thin bawk a ni. Thihchak rum rumna ringawt hian mahni inthahna a thlen hran lem lo a, thinrimna lantir duh avangte, phuba lak duhna avangte, tin mi tuemaw tih hrehawm duh avangte , taksa natna avangte pawhin miin a nunna lak a duh fo thin a ni.

Management :-

Miin mahni inthah emaw thih mai a duh tih a sawi reng rengin ngaihzam mai mai tur a ni lo a, uluk taka an thu leh hla ngaihchan tur a ni.

Miin a rilru hahna emaw a sawiin holam mai maia chhan loh tur a ni a, theih phei chuan mi tupawh nise an rilru hahna emaw an induhkhawplohna an sawiin a tawp thleng ngaihthlak sak hram hram tum tur a ni

Mahni inthah leh thihna chungchang te, rilru hahna chungchang miin a sawiin a sawitu chu a rilru a fim leh fimloh chiang taka hriat a tha a, a rilru fim leh fimloh dan azir a tih ngai entirnan : councelling leh inzilh ang chite tih tur a ni

Mi a rilru a buai ngei a ni tih i hriat chian chuan rilru doctor/psychiatrist hnenah hruai vat ang che

Mi tuemawin buai rukna riau a nei a nih chuan councelling emaw interview neiturin a chinchang hriate hnenah i hruai dawn nia

Ruihhlo ngawl veite leh schizophrenia neite hian inenkawlna an mamawh a ni tih hriatchian a tha a, hetiang mi an lo awm a nih chuan mithiam hnenah hruai vat a, inenkawl theih dan a inenkawl vat a him ber.

Hunawl ngah lutuk te, mahni inngaihtuah ngut ngut chin te, hnathawna hmuna hah lutuk lak atang te hian inven hram hram tur a ni. Tin, stress nasa lutuk atang hian mahni inveng hram hram a tha.

Rilru, thlarau leh taksain a mawhnia a hriat mi tuemawin a sawi a nih chuan a mamawh chu pe thei lo mahla pe theitu tuemaw i rawn thin dawn nia

Mahni inthah duh te reng reng hian inthhiamlohna nasa tak an neihsa reng avangin an sualna hailan sak an mamawh lo a thlamuantu leh an harsatna ngaihthlak sak tu an mamawh a ni tih hriat reng a tha.

Mi zawng zawngina kan mamawh chu kan rilrua thil awmte sawichhuah a, inphawrhthawl a ni. Hei hi saptawng chuan emotional catharsis tih a ni. Emotional catharsis neih fo a pawimawh ang bawkin miin an rilrua thil awmte inphawrhthawl an duh a nih chuan dawhthei takin i ngaihthlak sak hram hram zel dawn nia

Hospitalisation- mahni inthah duhte hian rei tak inenkawlna an mamawh thina avangin hetiang lam inenkawlnaah mahni inthah duhna rilru a neih veleh hruai nghal vat tur a ni. A bikin rilru lam leh ruihhlo lama harsatna nei te hi enkawl an ngai nasa thin a, tin thuneitute-police lam puihna pawh a nasat lutuk chuan lak hreh tur a ni lo. a chang chuan damlo chuan  mi tumah hmuh duhloh hunte a neih thin avangin damlo leh thawktu inkar tha a ngai hle a, damlo inenkawl duhna hmun leh nuam a tihna hmun leh hma zawn sak hram hram a pawimawh hle

Out patient treatment :- hetah hi chuan councelling leh rilru phawrhthawlhna hun hman a ni tlangpui thin a, tin rilru lam harsatna a nei nge nei lo tih enchian hmasak a ngaih thin avangin mithiam te pan hma a tha ber. Damlo chhungte leh a thiante chu hetah hian tihtur pawimawh tak tak an nei a, chu damlo chhungte pawh chuan mithiam hnen atangin thurawn hrang hrang lak bawk tur a ni.

Tin, heng rilru natna neite tanpui tura inpeih reng NGO leh pawl hrang hangte an awm a, mizorama kan hriat theih turah chuan NELICS – new life charity society an awm a, mithiam te leh councellor te thutchilh rengna hmun a ni. An phone number pawh 9862132158 a  ni e

Mahni inthah duhte/tumte hriat theih dan tlangpui (symptom) :

Thih a duh thu emaw nun tawp thu emaw a sawi hmasa thina

Mutthilh theih lohna

Rilru hah leh phi kual chung a awm thutin

Rilru kalding theilo (impaired concentration)

Taksa chet vel a diklo. Phut zuk zukna emaw chhan awmloa pawngpaw hamhaih thut thutna a awm thin

Nuam an tih thin viaute leh an phur thinna viauahte phurna leh thathona a awm lo thin

Thinrim thut leh thinthawk thut thut te

Misconception :-

1.mahni inthah duhthu sawi zuah zuahte hian an ti tak tak ngam lo nia rinna awm thin hi a diklo. Mahni inthah duhte hian a hmain an sawi lawk chawk a, tin, an rilru hahna leh thih an duhna chu a tlang rawtlo deuhte pawhin an sawichhuak tlangpui a ni.

2. mahni inthat te hi mi anglo chauh an ni tia rinna hi a diklo. Mi pangngai tak tak leh profession tha tak tak, khawtlangah pawh mi challang tak tak te pawh hian mahni inthah duhna an nei fo thin.

3.miin in thah a duh tak tak a nih chuan engmahin a dal tak tak thei tawh lo nia rindan pawh hi a diklo hulhual a ni. Enganga rilru hahna nasa leh thih duhna rilruin a tuam pawh a hun taka enkawl a nih chuan chhanchhuah theih reng a ni.

4.mahni inthatte hi tanpuina zawng lo leh tanpuina duhlo an ni tlangpui nai rindan awm pawh hi a diklo.mahni inthat te reng reng hian an thihhma thla engemaw zat chhungc hu tanpuina leh inenkawlna dawn beiseiin kawng an zawng ve hram hram thin. zirchiannain a tarlan dan phei chuan mahni inthat zawng zawng zinga zaa sawmrukte chuan an thih hma thla ruk chhungin mithiam tuemaw rawn an nei bawk.

5.mahni inthah chungchang sawi sawi hian midang hnenah inthah duhna a thlen thei nia rinna avangin inzirtirna pawh a tlem hle a mahse he rindan hi a diklo a ni. Mahni inthah chungchang a inzirtirna tha hi a tam thei ang ber kan neih khan mahni inthat duhte rilru a siam thain tanpui an mamawhnaah tanpuitu pan nachang an hriat phah zawk thei.

6.mahni inthah tum hlawhchhamte hian an tum nawn leh tawh ngai lo nia rinna a awm thin avangin mi tam tak chuan an ngaih an ti tha mai thin a hei hi a diklo bawk. Mahni inthah tum hlawhchham emaw chhan hman te hian an tum nawn leh tlangpui thin avangin tum an awm a nih chuan tanpui theihdan kawng zawn vat a pawimawh ber zawk a ni.

7.inthlahchhawn ve theih a ni tia ngaihdan hi ngaihdan diklo hulhual a ni. Eng anga harsatna nasa nei leh nuam  pawh nise a chenna environment in a zir miau loh chuan eng mi pawh nise mahni hnuk chhah duh maina rilru an nei fo thin. Rilru lam harsatna entirnan-schizophrenia te ang chi hi inthlahchhawn theih a ni a mahse a chance a san loh mai bakah tha taka enkawl a nih chuan hlauhawm a awm lo.

8. mahni inthatate hi mi dawihzep an ni tia ngaihdan hi a diklo hulhual bawk. Mahni inthat te hi an nun hmachhawn ngamloh vang leh an dawihzep vang a ni reng reng lo a, nunna hial pawh lut ngaihna hrelo khawpa mi beidawngte an ni tih hriat zawk tur a ni. Tin, Pathian thu atanga thlir pawhin nunna piahlama thlarau nun chhan tur ngaihtuah ran chunga mahni hnuk chhah luih tir talh tum hi a huaisen thlak letling zawk hle a ni.

9. Mahni inthat te hi an ngaihtuah chianloh vang leh an thin thawh phut vang nia nvaihdan a awm thin a, hei hi a diklo bawk.  Mahni inthat leh inthah tum te reng reng hian rei tak chhung nun leh dam inkar an dawn ve tho a ni tih hriat pui a ngai a ni.

Kristian kan nihna angin Pathianthu atangin lo en hmasa ila– I korin 6 :19 ah chuan “a nih leh in taksa chu, in chhunga awm Pathian hnen atanga in hmuh thlarau thianghlim in a ni tih in hre lo em ni le?” tih kan hmu a , tin, I johana 3:5 ah chuan “tual thattu tupawh chatuan nunna pai reng reng an awmlo” tih kan hmu leh bawk a ni. Pathianin nunna a duh taka a siam, tawp hun nei tura a siam nisi thuneihna chang awm zia zanga mahni nunna chunga ro in rel chawp tu chuan sual a ti a, an chunga anchhia Pathianin a hlawh dan pawh helai chang atang hian kan hre theuh awm e. Mahni nunna ning ngawih ngawih khawp a rilru hahna kan nei a nih chuan kan nuna pawimawh ber leh lairilber pathian hnenah tlu lut vat ila tihsual a awm lo ber a ni. Ka pa in a sawifo thin chu “Lal isua bel tute inchhir ka la hre ngailo tih hi” kawng engkimah a dik em em a ni tih hre thar leh theuh ang u.

Sawi ho tur te :

1. Kan khawtlang inrelbawl dan enin mizorama mahni inthat an lo pung nasa ta em em hi eng vang ber nge ni ang?

2. Mizoramah hian mahni inthah chungchanga inzirtirna leh tanpuina kan nei tha tawkin i hria em? Tha tawklo a nih chuan engtin nge hma kan lak theih ang?

3. mahni inthah leh rilru lam natna chungchanga kan pawm danah hian mizote hi kan changkang ve tawkin i hria em? Engtin nge hma kan sawn zel theih ang?

msi@rose