i duh zawng chhin la

Monday, February 14, 2011

HMANGAIHNA MAK MAWI LEH DUHAWM

Hmangaihna hi zawng a lo mak teh e! Chi hrang hrang lah a tam.Chutiang chhut lovin i han chip mai mai teh ang, lungleng hnemah. Pawl VIII kan nih lai, tleirawl duh lak nat rual vel laia ka thiannuin hmangaihna a sawifiah dan chu “Love is a short words which contain everything..." ka chhut cheuh cheuh a,thumal pakhat,hawrawp pali lek ni si hian lo huam zau deuh mai a lo ni. Han ngaihtuah chiang ila hmangaihna hian mihring a han luhchilh tak tak hi chuan eng hmangaihna pawh nise hlimna, tahna, lunglenna, taimakna, finna, atna, thatchhiatna, duhamna, rinawmna, thilphalna leh a dang tam tak nen,heng ho hi kan hmuhphakah a awm lo emaw kan tih lai hian kan kutphah ngeiah kan lo keng tun zel a sin! Thil pakhat avanga kan khawih phak leh phakloh a awm mai a ni tih hi i lo ngaihtuah chiang ngai em?

Saturday, February 5, 2011

BEISEINA

Isaia 40:31
Lalpa nghaktute erawh chuan an chakna chu an siamtha leh ang a, mupuite angin thlain an thlawk chho vang a, hah lovin an tlan ang a, chaulovin kein an kal ang.


Kan damchhung hunah hian nghahneiin hun kan hmang reng a ni tih kan inhre lo maithei. Kan piang a, kan thihni nghakin kan nung leh lawi si a, a chang hi chuan a mak thin mang e. Lalpa ringtute tana thil hlu ber leh kan neih zawng zawng zinga pawimawh ber awm chu beiseina a ni. Beiseina hi a nung a, thil a ti thei a, rinna tluk deuhthaw hiala pawimawh leh ropui a ni a, nun khandaih pawimawh ber zing a mi a ni.
Nun kahlhngiltu beiseina hi ringtute tan chuan neih makmawh a ni. Beiseina hi Pa atanga chhuak a ni a. beisena zawng duh lo chuan Pathian amah dintu leh amah neitu tak tak a duh loh zia a entirna mai a ni. Beidawnna chu sual atanga chhuak a ni a, hremhmun thlenna kawng awlsam ber a ni. Beiseina neiin kan nung a, beiseina nen nun kan hmang a, beiseina nen rinnain kan kal a, kan beisei ram pan turin he khawvel hi kan la chhuahsan dawn a ni. Lalpaa rinna nghat tute chu beiseina pekin kan awm a, chu beiseina chuan kan rinna a ti nung a, kan rinna min chelhsak thin a ni