i duh zawng chhin la

Friday, July 1, 2011

WATCH YOUR MANNERS! - I

Nungchangmawi leh hawihhawmna hian mihringte a chawimawi em em a, mirethei bakberhte pawh nise a hawihawma a nungchang a mawi chuan a zahawm em em a ni. Mizote hi kan hawihawm sawt ve viau naa a kan hriatloh avanga kan tihloh, thilte tham te te tih hrehawm loh si,kan hriatlohna avanga kan tih loh mai mai, kan tih avanga min chawimawi theitu leh min ti zahawmtu ni si a tam em em a ni. keimahni mimal, chhungkua leh thanlenna te hi kan nungchang hian a chawimawiin a timualpho thei hle a ni. Changkannain a ken tel leh nuna bet tlat hawihhawmna leh nungchang mawi tlem lo en ho ila

1.chaw ei khawmnaah emaw thiltih khawmnaah sawm i nih in a hun bituk aia minute nga vela hmaah thleng la,hma lutuk emaw tlai lutukah emaw thleng lo ang che

2.chaw eikhawmna, restaurant leh hotelah emaw chaw i ei khama napkin i hmang a nih chuan i hman zawh hnuah hlum hrual tawp tawp kher lo la, i thleng veilamah dah mai ang che


3.puipunna hmuna i kalin i cellphone i switch off a nih loh chuan silent mode in dah theinghilh suh ang che

4.mi chaw eia i sawmdawnin ziaka sawm a tha ber a,a nih loh chuan text message emaw call-in sawm la,a ni-ah remind leh ngei ang che. chaweia i sawmturte hrilh turin midang kutah hlanchhawng mai suh. Tin,mi chaweia i sawm dawnin i eichak leh tui i tih lei mailoin an ngainatzawngte,an eitheih zawngte zawt hmasa ang che

5.miin an fak chein i awihloh thu aiin i lawm thu hrilh la,faklet ve ngei ang che amaherawhchu mi ifakin faklet phut kher suh

6.midang nen in inkawm emaw in titi lai emawa i phone a lo rikin pawngpaw 'hello' tawploin i titipui hnenah hriathiamna ngen la, a lo betu hnenah i laklawh thu leh i phone let leh tur thu hawihawm takin hrilh ang che

7. 'ka lawm e' tih leh 'khawngaihin' tih thumal hi hlamchhiah ngai suh ang che

,
8.Titiho nikhua leh meetingah i ngaihdan ni chiahloa thil an sawi paw'n pawngpaw hnial loin an sawi point kha fak phawt la tichuan i ngaihdan i sawi zawm dawn nia

9.engang mihring pawh nise,a hausa emaw,a rethei emaw,a hmelchhia emaw,a hmeltha emaw,hna zahawm a thawk emaw,inhlawhfa chawp a eizawng emaw mipa emaw hmeichhia emaw pawh nise a pawnlam landan aiin mihring a nihna i zahsak zawk fo tur a ni

10. I thian hnenah a mimal chanchin i zawt dawn a nih chuan a thuphungin tlem tal i zawhduh subject-a i chanchin i sawi hmasa thin dawn nia.

11.midang fak hreh suh la,sawisel hreh hek suh

12.midang i fak dawn a nih chuan hma a sawn zual zel nan mai bakah i thinlung chhungril takin i fak thin dawn nia

13.sawisel tur i hria a,i sawisel dawn a nih chuan pawngpaw sawisel bawrh bawrh ringawt loin fakna tur awm ang angah fak hmasa la chuan i sawisel chhunzawm dawn nia,i sawiselduh chu kohrang la,a falin hrilh thin ang che.midang awmlaiin sawisel suh ngai lo la,tichuan thawhpui hrehawm i ni ngai lo ang

14.fak leh duhsak phut te, fak leh duhsak beisei ai mahin fak tlak,duhsak tlak in hnathawk la,i hnathawhah i hmuingil em em ang

15.tawngkam zaidam leh nem hmang hram hram la tichuan midangin i kiangah awm an hreh ngai lo ang

16.engtiklaipawhin hlim hmel put tum hram hram la,miin an biak che emaw mi ibiakin emaw hlim hmel pu hram hram ang che

17. Midang nena titiho nikhuaah a tawngringber leh a tawngtam ber nih ai chuan a ngaithla tam ber nih tum la, in titi pawnlamah chhuah tir tum lo hram ang che

18.midang chanchin a tlem thei ang ber sawi tum la,i sawi a nih chuan tumah fak theinghilh suh ang che,mi zawng zawngin thatna lai kan nei theuh a nia

19.i beiseiloh deuha thil a lo thlen a,i mi hmuh chu i beisei ang a ni lo emaw a nih pawhin deusawh zawngin tawngkam hmang lo hram hram la,midangte venna lama nih loh phei chuan chu mihring hre ngailote hnenah lek phei chuan a chanchin chhe zawngin sawi ngai suh ang che,a tan a hlawk dawn chuang si lo a

20.taima ber,tlawmngai ber nih hi thil har a ni lo tih hre reng ang la,mi zawng zawng thatna lai hmuhsak tu nih hi a hlu a ni tih hre reng bawk ang che
a dang chu topic hran te te in kan chhawp chho zel dawn nia

ps: he article hi misual.com-ah chhuah tawh a ni a mahse hmangtangkaitu an awm belh zel takin tiin blog-ah dah luh leh a ni.

15 comments:

  1. tha lutuk nag nge nge....tha lutuk nag nge nge....

    ReplyDelete
  2. :D :D :D a lawmawm mawlh mawlh thin e :D :D

    ReplyDelete
  3. Rilru leh tihtakzetin ka fak a che! A tha hlawm lutuk tlat. Zawm nghal theih vek an ni. Chaw eikhawm chungchang ka lo thlirbing deuh a.. A dang pawh rawn ti zel rawh. Sas bula awmdan tur tih vel pawh.:-)

    ReplyDelete
  4. This comment has been removed by the author.

    ReplyDelete
  5. ok.t.s hahh chhas bula awmdan hi chu chhiar tur ka mamawh asin aw :) :). chaw ei khawm chungchang pawh dir derh dawrhin kan thlir dawn nia :D :D

    ReplyDelete
  6. I ziak zua hle mai. Tawngkam mawi hi tunlai chu ka vei deuh mai mai a. Tawngkam mawia mi chhawnchhaih hi a man a awm miah lova, cheng khat mah sen angai lo. Mahse a let lam chu hlawkna hlir. chu a hlawkna dawngtu chu keimahni... Rilru thianghlim kan lo pu reng a lo ni thin.

    Good Post.

    ReplyDelete
  7. tawngkam tha hian sial chauh a man tawh lo, lunglhu leh rangkachak aia man tam hmingthatna a lo man dawih tawh asin krista :)

    ReplyDelete
  8. Ka hmang tangkai nghal nual. Ka lawm e tih aiah a lawmawm e tih hi ka ngaimawh ve mai mai thrin.

    ReplyDelete
  9. sam nia a lawmawm e an tih hian eng rilru nge an put ang aw tih ka ngaihtuah fo thin :))

    ReplyDelete
  10. A van han tha tehreng em awm? Han zawm vek thei ila, mi hawihhawm leh fel nihna kan hlawh dawn sia. A tha lutuk tlat mai. "Midang hming hriat leh an Birhday a, hre nalh nalh theitu i nih chuan, mifel, caring thiam, aaa.. a tam lutuk. Mahni chanchin midang bula sawi zung zung te, an thu sawi hun pe miah lo nih te hi a thalo teh asin aw! Khawvel-a word common ber zinga pakhat chu 'Keimah' tih hi ani. Tawng tam lo mahla, ngun taka i ngaihthlak theih chuan, mi kawm nuam i ni tho tho ang" tih ka han telh ve teh ang, post tunu in a phal chuan, lols. Thil pakhat, sentence hmasa ber ah leh full stop zawh ah hian, Capital hmang la, chhiar a nuam lehzual ngei ang!

    ReplyDelete
  11. Tin, coma zawh ah pawh hian space pakhat chu dah zel thei la, a va tha dawn em! tih inthlahrung takin ka rawn ziak e!

    ReplyDelete
  12. tha ka ti lutuk , point no 9 khi ka duh leh zual

    ReplyDelete
  13. hmelthate nia, ka kut hian a lo theinghilh thin a ni. i duh duh belh rawh i thu thu a ni e :)))

    zoota. nia, midang kan zah chuan zahawmah kan insiam mai thin a ni :))

    ReplyDelete
  14. Misualah ka chhiar tawh, tha ka ti hle mai... etiquette hi zir ngai tak ani reng ani! hriat vek sen ni lo mahse, a tlanglawn hi chu a awm ve ania...

    ReplyDelete
  15. maisek nia,a tlanglawn em em pawh hriatloh hi chu buaithlak tak a ni, a dip deuhin nangin lo phawrh la :))

    ReplyDelete