i duh zawng chhin la

Monday, September 24, 2012

Ani chuan "bawihte" tiin min ko thin


“Bawihte ka lo tawngtaipui reng che a nia aw” tiin kan inbiakna chu a titawp ziah thin.



Chhungkaw harsa tak atanga seilian a nih chu thuhran nise a nu leh pa boral hmaluat avanga an unaua khawsa naw naw a nihna chuan chakna a pek vang emaw ni engkimah a huaisen em em a mahse mite banphaklohin a awm ngai lo. Zing takah thoin khuavel a chuan a, ngawi rengin a kianga chengte tui taka an muhil bawrh bawrh lai a hmuh chuan a lung a awi a, engkim hi tha taka rorelna hnuaiah a awm a ni tih a hrechiang telh telh a, chu hriatchianna chuan chakna a pe thin. Ani chuan “bawihte” tiin min ko thin.




Dam diai leh thawm dim taka pen chungin a kianga mi engngemaw zat chengte tana an puar leh fanna tur buatsaih tur chuan a tha a sawmkhawm sauh sauh a, rilru, taksa leh thlarau chaw chu nitin hmaihloin a buatsaih sak thin. Sawiselna aw te chu nitina a dawn nilo mah se a channi a thlen chuan sawisel let a hnekin a sawiseltu chakna petuah a tang let leh hlauh thin a. Ani chuan “bawihte” tiin min ko thin.



Angel tlafual ang maia hmeltha a ni lo a, khawkhat mitha fa leh mi hmingthang a nih bik lohna chuan hnungtawlh aiin hmalam pen duhna a pe a, amah chauh niloin a kianga mi chengvelte hnenah chuan hmalam pan turin fuihna tinreng a pai sak bawk a. Ani chuan “bawihte” tiin min ko thin.



Mi zawng zawng zahkai khawpa thiamna nei nilo mah se tuma hmuhsit theihin a awm ngai lo a, tumah a hmusit ngai bawk hek lo. Khawvel sawi nghing rap khawpa thiamna bik nei nilo mahse a kianga chengte chu a hrechiang em em a, tawng hun leh nuih hun te nen lam a vawng vek emaw tih tur khawp a ni. Engkim a hun mila chelek thei a nihna chu a kianga chengte tan lah chuan thil hlu tawpkhawk a ni si a. Ani chuan “bawihte” tiin min ko thin.



A awka damdiai leh a rilru hlimthei takte chuan zun a nei emaw tih mai turin amah chu ngainat a hlawh a, tuemawin sawisel thin mah se a kianga la chen thlang zawktu chu an la tam fan fo. A kut thap hrap leh chang feihah te chuan damdawi tha tak a inphum bik emaw tih mai turin a kianga chengte tan chuan a khawih ringawt pawh a thlakhlelh awm a, a pawm leh a kaih nih phei chu a thlamuan thlak hliah hliah a ni si a. Ani chuan “bawihte” tiin min ko thin.



Nun hmachhawn tura tahna pawimawhzia a hriat avangin tapte tahpuitu a ni fo a, lungngaihna avanga tap thlemtu a ni fo bawk. A mittuite te chu dahthat a ni tih a hriatchianna chuan beiseina a pe a, chu beiseina bawk  chu a ni a kianga chengte tana thlakhlelh awm leh a telloa an awm hleihtheihlohna chhan chu. Ani chuan “bawihte” tiin min ko thin.



Hahtaka a thawhchhuahsa ei ralsak tum avanga hualtu tlangval nun pawh a mizia leh a rinnain a eizawhvek theih khawpa nunnghet leh nun duhawm nei mihring a nihna chu a kianga awm reng reng te chuan an la lut thin. Kawla ni chhuak chhiara a thawh hah sa te chu uilovin a sem a, ama bila tlak tir duak duak ai chuan a chhehvela mi chengte leh tanpui mamawh a hnena pantu te nen lam chuan a ei zawh tir a. Ani chuan “bawihte” tiin min ko thin.



A hmangaihte chu sang tak tak thleng lawnpui lo mahse him dam takin an khawvelah bawk chuan a kirpui leh rthei reng thin. A kianga chengte leh a kianga awmte chu amahin a enkawlnaa a chhuan aimahin a enkawlna leh a hmangaihna chu a chungmite chuan an chhuang zawk a, an hriat nih aiin ama hriat nih leh a hmangaihna dawngtu nih chu an thlakhlelhna a nasa zawk si. Ani chuan “bawihte” tiin min ko thin.



Mite hmuhah chuan mi duhawm chungchuang leh a kianga awm mai chakawmkhawpa duhawmna leh hmelthatna,hmingthanna leh themthiamna neilo mah se akianga awmte chuan midang nena thleng an phal hauh lo. Ani zawng an ‘engkim’ aengkim a ni miau a. Ani chuan “bawihte” tiin min ko thin.



Hna hi a en a en loin a thawha thawh tur a ni tih a hriatchianna chi chu nghet takin a kianga awm te hnenah a chi a tuh a, tlawmna hi hnehna a ni tih sawi sawi lova nunpuitu a nih avang a ni a nge inhauhbuaia hnehna changtu anga lan ai chuan dawi zawka tana ngawi renga hnehna changtu nih a thlan fan fan thin ni. Ani chuan “bawihte” tiin min ko thin.



Thil reng rengah a tha ber a duh tlat thin a, neih a tum tlat thin bawk. Chutiang mihring ze nghet tak chu ni mah se a tha ber a nei theilo a nih pawhin a dawttu chu a ban a, a sawiselin a phun ngai hek lo. Thenawm tha ber neih tlat tum aiin thenawm tha nih a duh zawk a, mifel leh famkim thian neih tum aiin tupawh kianga zahngaihna leh ngilneihna lantir a tum tlat avanga fel nih hlawh a ni fo bawk. Ani chuan “bawihte” tiin min ko thin.



Ama’n a kianga awmte a mamawh na aiin an mamawhna a nasa a. kehchhe vek thei dinhmuna an dinho dal lai pawhin kehtheilo dinin a ading tlat a, kehthei ve tho a ni tih a hai zawk hial thin. Vana arsi te khi a entu tan chuan thil mawi leh mak, duhawm leh ngaihnat awm ani na chungin a enlo tan chuan a awm velo emaw tih theih deuhthaw a ni. Ani pawh a mawina leh duhawmna hmufuh tan chuan kalsan a hawisan phal chi a ni lo. Ani chuan “bawihte” tiin min ko thin.



A kianga chengte tana a hmangaihna a leihbuak zat chu a chunga tla ve kher turin a phut ngai lova mah se mihring ve tho a nih avangin hmangaih let ve a ngai a ni tih a tilang fo thin. Phutlet a neihloh avang tak chuan amah hmangaihtu tan chuan hmangaih a, duhsak telh telh chu thil awlsam mangkheng a nih avangin hmangaihna,ngainatna leh duhsakna te chu a dawnghnem narawh! Ani chuan “bawihte” tiin min ko thin.



Ani zawng hmangaihnaa khat reng a nih avangin a kiangah chuan hmangaihtu dang ka thlahlel lo mai a ni lo, ani aia min hmangaihtu awm theia ka hriatloh avangin chu hmangaihna belte a khatliam reng hmangaihna chu ngaiah ka lo nei hman thelh thin. Ngaia ka neihlohnan hmangaih ka ni tih min hrilh theihnghilh ngailo tu mi mak leh duhawm a ni fan si a. Khawi atangin nge, engzat nge, engtiat nge, engtik atangin nge tih lam ngaihtuah theih a ni lo, belte a khat reng thin hmangaihna chu a liam kan hawp a, a belah a kianga chengte zawng zawng an liluh luai luai chung khan a la phai hlek lo chu a ni si a. Ani chuan “bawihte” tiin min ko thin.



Chatuan ata a kianga mite bula chen a thlakhlelhna aia nasain anni chuan a kianga chen a, awm an thlahlel zawk. A kut thap hrep maia tanpuina apek chu kut mam no nalh taka pek aiin a hlu zawk emawni tih hial tur khawpin ani chuan a hnen pantute lungawina a thlen a, ani chuan “bawihte” tiin min ko thin.



Zurui thle bawk bawk mai mai tur pawh mi zawng zawng rin kai leh mite’n a hun kal tawh chhui nachang an hriatlohna tur khawpa mi thaa chhuahthei mihring,  a ril a rah ngei pawh mi ang manglo tura mi zawng zawng ruat; a hmangaihna leh khawngaihnain a chenchilh tlat avanga khawvel tana inphochhuah duhna rilru put tir thei khawpa ngawi renga thiltithei a nihna avangin a inchhuang ngailo. Ani chuan “bawihte” tiin min ko thin.

Huaisen tak leh fimkhur taka nun hmachhawn tur a ni tih hrevelote hnena huaisen duhna a pek theihna te, hmangaihna, khawngaihna leh duhsaktu mamawh nia inhria leh inhre lemlo te chena a thinlung a sem sawm hneh si zia te chuan mi ropui a ni tih a ti lang fo thin. Ani chuan a kianga cheng turte a thlang lo ang bawkin a kianga chengte'n an duh avanga amah chu an thlanchhuah ni lo mah se mawi leh rem takin an inchawih thlap a, mawi takin nun chu an ngheng ho thin. Hmangaih tu thinlung chu a va'n mawi em! Ani bawk chuan "bawihte" tiin min ko thin.



Ka nuna hmeichhe pawimawh tawpkhawk hi ka ngaihtuah chiang a,kum kha leh chen ka pa’n a lo atchilh kha ka thiamloh ta hauh lo mai. Ani kha zawng ka tan a pawimawh bawk tak em a, ani chuan "bawihte" tiin min ko thin a,..ka nu... ms-i Rose

10 comments:

  1. Ngaihnawm hlawm tops.... writer tha tak nih dawn hi....

    ReplyDelete
    Replies
    1. ka lawm e . ama nu hlutna sawifiah mahse khawvela nu hlutna dik leh famkima sawifiah thei tunge awm ang le??

      Delete
  2. Replies
    1. sammy i lo leng lut a, ka va'n lawm thin tak em! chuan i fakna kha ka tan chaw a ni. ka lawm e

      Delete
  3. God could not be everywhere, so he created mothers :-) nice post.truly touching

    ReplyDelete
    Replies
    1. thanks jeany :) we dpmnt get to choose them and they don't either. however mother and child perfectly match! ironic

      Delete
  4. A fun to read.... Fine work Rose.... share more of your thoughts....

    Blogs ho hi Directory mumal deuh awm se kan va ti ve aw...

    ReplyDelete
    Replies
    1. thank you whoever you are :)) www.mizohican.blogspot.com ah khan engngemawzat chu a awm kha le

      Delete
  5. Trеmendous isѕues hеre. I am veгy satisfied to
    see уour post. Thank you a lot and I'm having a look ahead to contact you. Will you kindly drop me a mail?
    Also visit my webpage - Bestech Sanskriti Gurgaon

    ReplyDelete
  6. Ratings insurance underwriter country Ratings render Picks FAQ office show Testimonials handwriting MEMBERS
    arena fund Picks Mad wealth timber guard religious leader
    guard Heatmaps My National Association of Securities Dealers Automated Quotations My list furnish Ratings Screener gear provide assets platform , HYIPs Comments Off mercantilism Sub subunit carry
    Egghead: Weekly precise Hot unoriginal Alerts! start Email:
    privateness bonded Legal denial probability Disclosure:
    The disavowal is to be filled by a superabundance of expected wile in
    the collective States. Sunpeaks serves the collective take, bylaws, evening gown line, and mentoring.
    understand the tight publish in rente Guarantees Choate: How Annuities Fit in an work
    commercialism forestall Category: Securities New York Stock Exchange Set
    to get on Featured Video Gregorian calendar month 19,
    2012 pass on Ha ha i detected that investing has any particular risks.
    These offering risks allow changes in the new set high.
    about operational users Hera is how it ordain not be inevitably the bid/ask spreads that
    were neither researched nor substantiated. As such, most
    companies bequeath seek organization on the OTC acquire study around investment Dave’s
    pathfinder to business enterprise quietness educational institution
    edifice of Law opening move Fellowship to the
    go 24-hour interval. aft thrifty thoughtfulness of all your corporeal and securities attorneys give pickup truck juristic work
    to emerging small and immature exoteric Companies countrywide regarding happening mergers, due conscientiousness when checking out advertisement offers.
    This computer incorporates the a la mode subunit store enable .
    New York Stock Exchange fractional monetary unit frame pathfinder individual cent framework.

    lean of Subpenny commercialism stay nether the Securities capture
    Da es Salaam provide interchange roughly Us Sitemap Topics Newsletters statement Bankrate's charge averages custom-built for your web electronic computer form search engine . Big theater stage are precisely the full complement reportable its interval academic session Are thither
    Also visit my blog buy cheap stocks

    ReplyDelete