lawm phawt ang aw(THANK YOU)

THANK YOU
Msi@Rose


I lawm ngam em?
Malsawmna dawng ngai reng reng lo a inhria mi tam tak zinga nu pakhat chuan a fate hrisel lohzia leh an pawisa neih loh min hrilh hrep mai a,'e' tih baka chhan dan ka hriat miau loh avangin a tawp thlengin 'e' ka ti mai a,an thenawma tlangval sum an neihloh avanga zirlai zir chhunzawm thei lo erawh chu lungawi takin a inhlawh a,a inkhawm bawk a,a hlim tho mai, chu tlangval erawh chuan malsawmna a dawn nasat zia bak sawi tur a hre hauh lo thung mawle


Malsawmna i ti dawn em?
Khawvelah hian malsawmna a tam mang e' tiin han au ringawt ila,min helh an tam dawn si,vanduaina khawvel han tih lah hian malsawmna kan dawn a tam bawk si, a inpawlhmawi tawk khawvel' ti ila,mak ti an tam leh dawn bawk sia,buaithlak teh nuai thin mang e

A reng reng thuin han hawi vel ila,khawchhiat niin malsawm ruah a sur a, khawthat niin malsawm ni a sa leh thung a,in leh lo,hulhliap tur nei lo tan lah khawlum lutuk ti zia turin zan boruak thiang a siam leh zel a,siamtu mawhchhiat ho hian siamthu hi an zah lo thin mang e

Chhun ni sat lai takin han hawi chhuak ila,ni chu thu hran, pangpar par lo mahse a hnah hring hlep te, tlang hring dup maite hi hmuh an hahdam mang e,a hring aiin a sen ni ta se,khawllum lai leh mood fuh loh lai a lo innan phei chuan..aaaaa...sawi mai2 ngam chi pawh niin ka hre lo


vanduai ber niin i in hria em? Engvang nge?:khawvel pumpuiah hian nangmah chauh mihring i ni lo tih i chian tluk zetin i harsatna kha nangmah chauhin i tawklo tih chiang ang che. engvagin nge i lungngaih? I hmaa tih tur tam tak la awm chung khan lungngaiin khawvel chhuahsan i duh maw? Kan dam chhung hian tih tur tih zawh tak2 awm thei lo mahse kan hmaa tih tur te a atam thei ang ber kan tih tluka hlu a awm lo. Damrei dan ber a ni bawk

Malsawmna:
Malsawmnia kan hriat loh hi malsawmna a lo ni reng mawle. Kan neih zawng2 baka kan nun lairil Pathian kan neih phei chuan chu tluka hausakna a awm lo. Amah bel tu te inchhir loh dan atang hian belh tlak a ni tih a chiang reng.

Thank you Lord: he hla ka ngaihtlak hian ka thinlung chhung zawng zawng a fan thin.

'while the world look upon me as i struggles along
They said i have nothing but they are so wrong
In my heart i'm rejoicing how i wish they could see
Thank you lord for your blessings on me'


Harsatna namailo sutkian tur nei mahse malsawmna a dawnte chu midangin hmu ve se a ti hle mai, a malsawm dawn chu hmuh kâna a vanduaina an chhiar sak chu mak a ti letling hial zawk asin. Chutah

There's a roof up above me,i've a good place to sleep
There's food on my table and shoes on my feet
You gave me your love Lord and a fine family
Thank you lord for your blessings on me

A la ti leh zel bawk, neinung teh lua lo mahila kan luah hawh a ni emaw ni lo emaw, bâwkte khawh pawh ni raw sek2 a chhunga awmte an hlima chhungkaw Pa atan Pathian an dah phawt chuan a tawk hle mai. Chutah ei in tur a neih a,kelawnga a kal loh vang ngawt pawhin malsawmna a dawn hnemzia an inngaihtuah leh a, vannei a inti asin.. 'lalpa ka lawm e' a ti ngawih ngawih mai a ni. A nia lawm' malsawmna kan dawn nasat zia ngaihtuah lo leka vuina zawn hi thil har a ni hauh lo,chutih lai chuan lungngaihna kara beiseina hmu tu tan chuan engkim mai hi malsawmna a ni mawle..


I know i'm not wealthy and this clothes they're not new
And i don't hav much money but lord i have you
And thats all that matters though the world couln't see
Thank you lord for your blessings on me
A la ti zel thei mawle...

Design branded leh thar ber2 aia lalpa hlutna a phochhuak mang e, lenkhawmnnaah kawrmawi ber neitu ni lo mahse a mawina krista chuan nitin kawr thar a pe zawk a, hlui leh chul thei hringnun behbawm ai chuan chatuana chhawm theih Lalpa a neih avanga a lungawina hi a ropui a sin. Chutah he lai hian ka thinlung a fan a,ka tiril ber a khawih thin "And i don't hav much money but lord i have you"

Sap pachal dâk pawha kan en that ngam mangloh pawn "And i don't hav much money but lord i have you" a'n ti piap mai hian min ti tlawm chiang asin aw.. Kan nun neitu, kan nun enkawltu dik tak kan neih chuan engmah dang a lo ngai lo e. A thenawm hausa takte pawh a thlir ve voh voh thin ngei ang, chutih hunah chuan alawm he thu hian amah ti chak thin dawn ni. A innghahna lungpui chuan a nghei tir dawn lo a ni tih a rinna tluka a nun ropuina chu..

Lungkham ngah vangin vawi engzat nge kan kûn tawh. Lungkham nei reng reng a nun hman tluka hahthlak hi a awm chuang dawn em ni? "i know i'm not wealthy and this clothes they're not new' a ti leh. He hla siamtu ngei pawh hian lungkham chu a nei ve chiang alawm mahse a nun leh amah an inen chiang thin a, malsawmna tih tur hi a va'n ngah chiang em!!!

Awmthat duh loh vanga saruaka vei tauh tauh ho te hian engnge neih belh an duh le? vanduai vang chu thuhran ni se,kan taksa khuh tawk kan neih pawh hi malsawmna mawle. Malsawmna kan dawn zawng zawng te hi chhiar dawn ila chhiar kim a har dawn mang e, tunah,hetah, kal thei lo pawh ni raw sek sek engngemaw hriatna kan neih ringawtte, he thu ziak i chhiar theihna rinngawtte, i chhungte'n an auh che a i eih thei ringawtte...a tam lutuk. Malsawmna kan dawng lo emaw tih hian malsawmna hlir hian min thuam zawk mawle.

"and i dont have much money but lord i have you"-khawnge lungkham chu? Ennge lungkham tur chu? Lalpa neih hi a hahdamthlak asin, hrehawm lai ber pawha beiseina min pek ringawt avang pawh hian 'ka lawm e' "thank you Lord" ti a phar phar tur kan lo ni zawk reng alawm.

Nun ka ning i ti maw?
lo piang lo ta mai ila!! Tiin i kun tawh em? Piang lo ta la nangmah avanga hlimna awmlo tur zawng2 kha i ngaihtuah ngai em? Nagmah avang khan hmanah pawh tuemaw chu a hlim tawh asin, hrilhin i awm lo mai2 a nih kha. Hmangaihna par chhuak i ni tih i inhria em? I bul vela awm zawng zawngte kha awm lo la chuan an nun zawng2 kawng engnge mawni talin khawih danglam sak an ni dawn a, chu ti chung chuan 'lopiang lo ta ila' i la ti cheu ang maw?

Nun nin tur engnge awm le? Nun ning ngawih ngawiha awm te hian an tih an tih tur pakhat chiah an tih loh avang asin. I tih tur chu tunah ti rawh nakina i inchhir loh nan. Nun nawmna leh nun tak lairil pawh tur chuan pen tam a ngai lo,pen khat chiah a ngai a ni. Tun atang khan i awmhmun chu sawn sakin awm lo mahla lungngai suh Pathian kutah,nangmah neitu tak2 kutah i intukluh phawt chuan sawn sak in i awm ang. Sum hi nun hausakna bul a ni lo tih hi hre reng mahila kan awih phal thin si lo a nih hi. chuvang chuan alawm i neih ah lung awi la,lawm thu sawi teh,vawi khat i tih tawh chuan i zawngchhang ang. Kan nun lairil neitu i hmuhchian hunah chuan 'thank you Lord' tiin nitin i hun i hmang tawh ngei ang.