i duh zawng chhin la

Friday, April 15, 2011

ENGMAHLOTE

"photography does not present reality but reality is life itself, but some called life a drama" tih hi ka ngaihtuah fo thin a, mahse thlalak hi a lo pawimawh em a nia nge, sim a hnekin kan la uar mah zawk a, ka phone nokia E63 camera 2.0mp a ka lak hi fiahlo mahse zep tel ve mai mai te'ng :) a lens chuti khati tih ka hre lo ang bawkin a bak engmah hriat belh ka nei hek lo, nuam ka ti ve miau si a

"Aw lal Pathian i kutchhuak tinreng te dawn changin mak tiin ka lo khat thin" tih hla hi sak liam mai mai atana hla uihawm eltiang a ni tih hi ka hriatna la rei hauh lo mahse  a hlutna ka va'n hmu chiang em! Vawi tam tak ka thlir a, vawi tam tak ka lung a awi thin, heng ka kianga Pathian thilsiam mawizia leh hlutzia ka hmuh hian. Pathian hian "nature a belh tur pakhat tal siam belh rawh le" min ti ta thut se ka hawihai nasa lutuk hmel tur ka ngaihtuah a,ka nuih pawh a za lo, ka tah a chhuak zawk thin.

khawvelah lungawina leh hausakna zawngin vak vak mahila, a tawpah chuan Pathian hnenah kan tlu lut tho tho thin tih hi pawm mahila,dam that ver vawr chuan ngaihtuah a har thin ngawt mai, bible-ah "a kutchhuakte chu a thlir a, mawi a ti em em a" tih chang kha ngaihtuah nawn chiang teh, keini he khawvela cham hlen lo tur mahin kan thlir ngawih ngawih a nih chuan a siamtu tan chuan a mawiin a va'n ril dawn em!







he thingkung hi nitina ka thlir thin a ni, nakinah furah chuan a la chawr no leh hluah ang a, a va'n mawi leh dawn tak em! sava khi in hmu em? sirva riahbuk nih hi a tling a nia
 

hmelchhe ve te mah nise ka duat a nia, hmeichhia leh uite chu a chul nel peih peih tan chance a tha an lo tih fo hi maw!! kan landlord-in min kahhlum sak ni kha chuan ka nghilh ve dup mawle


Arunachal East field-a Namsai biakin pakhat a ni a, he biakin hi an khuaa hausa berin a ram a pek atanga sak a ni a, ringthar te'n biakin tur an dil laiin Pathianin na khaw mihausa a ram a pek tir a nih chu! Kan mamawhte hretu kan dil hmaa min pe thintu Pathian hlutna hi tunge dik famkimin sawi fiah thei teh lul ang le?


bawng nena inchenchilh reng hi ka ning ve deuh thin mahse kan landlord kan ngam si lo a le!! mi ramah zawng lunglen a na ngei e! ngamloh hlir an tlar put mai chu a ni si a

ganja kan ti sam et mai, hetah chuan zuk ve nachang an hriatloh avangin a buk tha thei khawp a,a chawrno hluah zel,a chang phei chuan mizorama ganja zuar ho mithla leh ruk ruk a awl khawp mai, zuk nachang an hria ang tih erawh a hlauhawm hle mai

Aw ka thlir vel tlai tla eng mawi tia hla phuah thiam te'n an au lauh lauh laiin ka thlir ve a,a lo mawi em tak a! mahniin lung len thu kan sawi sawi a,mahni bawkin kan insawh kan insawh mai thin zawng a nih hi


A khaw hmuna awm te chuan luikawr an ti mai a, mahse kei chuan luikawr ka ti phal hauh lo.a kianga thlai hian an chhawr em a ni, mitinte hian pawimawhna kan nei theuh a,kan pawimawhna hmutu neih hi a va'n lo pawimawh leh chhawng  em!
 

Kan sikul leh a chhehvel a nih hi, sikul pawimawhzia leh hautak zia hi sikul ka kaloh hnuah chiah ka hria hi ka vanduai nge mi pangngai ka anna pawh ka hre ta lo. khua a thiang a, van a chhum a lan tep tep hi chuan lungngawi taka thlir a awl khawp mai
 
,

tlai ni tla hian min ti a fo thin a, hemi ni tlai pawh hian ka a huin ka hria :D



mitin te hian lungawina leh puarna zawngin ka vak vel a, he daidep tak ngial pawh hian puarna chu a zawng ve a nih hi! a chang chuan mihring leh ransate hian danglamna kan lo nei mang reng renglo a ni tih hi ka ngaihtuah fo thin


chhum pawimawhna kan hmuhhmaih zingah chuan chhum zingah a lo kal dawn tih a ni, chhum hi kan nunah a va'n lo pawi mawh em!


Taksa leh rilru hian chawlh hahdam a mamawh fo thin a, chung hunah chuan lunghlu leh ro tam tak ai pawhin hmun fianrial hi an hlu zawk fo thin, chutih hunah chuan mahniin thli thhaw veuh veuh karah lui luang tawp thei lo thlir ila, pathian hmangaihna lui luang tawp ngailo anga tawp ngailo chu ngaihtuah ila, a ropui zia ngaihtuah ila, nun chau chu a harh ve hawk thin asin


clouded leopard tiin an tar a, a mawi mang e . Pathian kutchhuak mawizia leh a rorelna dik fel famkim zia hi tunge dik famkimin sawi chhuak zo thei teh lul ang le!

Survival of the dangdai khawvel a ni deuhthaw tawh miau a :D



Hmun rem lem loh pawh hi thluakina  a zir miau chuan hmun mawi leh nuam tak a ni thei fo, nirjuli baptist kohran te'n an biakin tur an rel an sak puitlin loh a ni a,an veng mihausa leh thiltithei likha saya-in hma a lak chhunzawm mek a, mahse hmun mawi tak zuk ni thei tho si a, mihrng thiltih theihna hi a va'n lo nasa tawh tak em!


ziro khua a ni, helipet bul vela in tlar ding a nih hi. Pi leh pute hun lai atanga an tih dan hi kan lo zui zel vek zawng a lo nih hi, an khua chu tlangin hual mahse a phai lai zelah an inhnawh khawm tut mai a, mahse ram hausa tih takah a mawi hle tho mai, tlai len nan leh nitla en nan a hmun rem leh nuam eltiang a ni


chhiar chiang mah teh u, ka kidte hoin 2012 ah khawvel a chhe dawn si a an tia, rannnung humhalh nana an siam zoo a nih hi, helaiah hian utawk atanga dumde thleng an dah a, xing leh tlaiah chaw an pe thlap thlap thin, an duat ber erawh chu utawk ni tlat a!! Naupang rillru thianghlim tak tak te'n an thiam ang tawka thil an ti hi chu a hmuhnawm asin!!


mi lungvawmkhawm leh balu amaha inchhekkhawm zingah pawh mizia a inzep theih tak tak chuang lo a nih hi!! hlimna hi a va'n lo hlu em!! khawiah pawh kal ila, hlimna zawngtu chuan a hmu ang a, lungngawihna zawngtu paw'n a hmu ang, kan thi zawnah fimkhur ila, nun chu a lo nuam a ni mai si a!



Tlai a lo ni leh ta, hun chauhin hun kalna tur a hria a, hun chauhin hun kha khawnge a awm tih a hre si



van ka thlir a, a eng uau mai, nakinah chuan khita tang khian min lam turin kan Pa Vana mi chu a lo la kal ang, a va'n mawi dawn tak em!


 
ka camera that bik loh vangin zing a ni tih zuk hriat mang miah lo a mawle :D zing ni chhuak thlir vang vang chunga boruak thianghlim hip chuan "Lalpa ka lawm e" tih bak sawi tur a vang hle mai

khawthiang tak hnuaiah nitin awm lo mahila khawthian hun nghakin beiseina nen nun kan hmang a ni lawm ni?

Pangpar angin ka nun lan tir la tih hi kan nitin hla ni thei theuh se, midangte tana par chhuak nun hi nei theuh ila ka va'n ti em!

nun mawina hi khawi ber hi nge tiin ka kawk kual nghauh nghauh a, mahse engmah hian mawina tak tak min lo pe lo, hmangaihtu, duattu leh ngainatu neih hi a lo mawiin a lo va'n hlu em!

zan ropuina hre turin chhun engah min dah a, zan thianghlimna hmu turin thim bawlhhlawh sual khawkrawk ho kiangah min dah fo, engkim mai hi a lo tha e, zan ropuina hmutu chuan chhunah pawh a beiseina a bo ka ring lo e




"chu tlang chu kathlir englai pawhin" tih hla kha ka hrechhuak thin, Lal Isua thihna tlang kha thlir a nuam a ni mai lo, kha tlang atanga khan kan sualna kha a va'n langchiang dawn tak em!
31st december 2010 tlai  ani a, Assam phai ni tla tur chuan ka lung a ti leng kher mai, kum dangah chuan buh dengin kan buai ve hle thin pawh a nia nge mahse tun tum zawng ni tla tur thlirin bus-ah kan men puai puai mai a nih hi!! a mawi asin. mitinte hian  goal kan nei theuh a, a chang chuan chu goal tihlawhtling tur chuan tap chunga nun kan chhiar a tul fo si a


20 comments:

  1. A van nalh hlawm sep sep ve :-) Arunachal ah ani maw i lo awm. Biakin khian lung ati leng.

    ReplyDelete
  2. aw ni e. hehe. ka blogah i lo leng lut thin a,ka lawm e. biakin khi a mawi asin, a nihna hriatchianin a mawi a, thinlung a khawih bawk asin

    ReplyDelete
  3. Mawi hlawm hle mai.. Rose nge2! kezungpui up!

    ReplyDelete
  4. Biak in te chuh!!! Hnukte pawh atiulh don lom le... :D, Nalh hlawm hle mai.

    ~Kilung

    ReplyDelete
  5. arix nang meuhin mawi i tih chuan a mawi a nia nge :) kilung thank you, khi biakin khian thawnthu a ngah asin

    ReplyDelete
  6. Hei i blog-ah ka lo leng lut ve hlawl e.

    Pic a mawi hlawmin mit a tlai hle mai

    ReplyDelete
  7. thank you triple star . ka va'n lawm thin em!!

    ReplyDelete
  8. a nalh e...a thu poh a tha....no comment..ha2....ka sawi thiam dan in a vai khian a in hmeh vek.(pikz= comment)

    ReplyDelete
  9. thank you zarte.. hringnun hi milem nen kan hmang ho dial dial emaw tih lai hian keini chu kan liam daih dawn sia

    ReplyDelete
  10. A heading a 'tlakhawmna' tih hi 'tlakkhawmna' tih zawktur a ni lo maw te ka lo ti mai mai :-P

    ReplyDelete
  11. I blog chu a nalhin thlir a nuam ta kher mai.

    ReplyDelete
  12. Va nalh hlawm in mit a va tlai ve le, thlalak hnauia thu mawi tak tak te hian an ti hlung. Aw Lal Pathian i kutchhuak thilsiam tinreng tih khian min ti chhiar chak a ka chhiar ka beisei ang ngeiin.

    ReplyDelete
    Replies
    1. ka blogah i lo leng lut a, ka lawm e.atua pawh ni la i mit la tu atang hian misuali nih ka ring love..

      Delete
  13. Pangpar te pawh a awm ve khi...... A mawi hlawm khawp mai, en a nuam e...

    ReplyDelete
    Replies
    1. ka lawm e. pangpar hmuh hi a khat bawk a hmuh chhun hi chuan kan kalpel hlei thei lo :)

      Delete