i duh zawng chhin la

Wednesday, June 11, 2014

dinthar

Inchhunga Simeon-a lut chu a reh ruih a, boruak engngemawni deuh awm nia a hriat avangiin ringhlel deuh, rinhlelh tur hre chuang bawk si loin a chhungte a’n au ringawt a. choka-a ngawi renga Rebec-i thu chu a hmu a, mak ti takin a en reng a; Juda te danah chuan hmeichhiate an ngaihzawngte ina kal hi tih awmloh a nih avangin. Rebec-i pawh chuan ngawi rengin Simeon-a lo lut chu a en reng a, tawngkam khatmahin a be lo. Isua leh rebec-i hi naupan lai atanga inhual sa, inkawmngeih tak mahse Isua’n a tih tur a tih a ngaih avanga inthin zawm zel anni a, chhungkua, fanu, unaunu ang maiin Isua leh a chhunge hian an en a ni. 
 
Hrilhhai takin Simeon-a chuan a nute-i chu a ko a, in pum chu a reh ngawih ngawih mai a ni. Pawnlama thli thaw vuk vuk karah chuan Mari inhnit hlawp hlawp kara Joseph-a phun deuh bul bul chu a hre pha a, engtia han tih mai tur chi nge a hre lo. A aw thianin a khuh kharh a “nute, in awm em? Ka nuin i hman chuan i lo phei lawk hman em a ti che a” a ti . a hma zana johana te ina a kal tuma Elizabeth-i te nupa muk taka an titi kha a hre chhuak zawk a, an chhungkuaah chuan thil engngemaw naupang hoin an hriatloh a awm a nih a ring ta rum rum a, a nu tirh chhan pawh ngaihtuah lo chuan Isua unaunu te huan lama thu khawm zingah chuan rang takin a chhuk thla ve ta a.

Chutia Simeon-a hamhaih tak hmel salom-in a hmuh veleh chuan kai hrangin Isua khenbeh a nih tur thu leh Rebec-i pawh an koh phei thu te, Isua zirtirte pawh an lo len nual thute, chhungkaw rorel an neih tur thute a hrilh a. Simeona hi josepha unaupa clophas-a fapa ni mahse anni chuan mihrang angin an en hauh lo. Chutia an titi malh mah lai chuan jacob-a leh joas-a chuan Isua sira kalin ipte fun puar teuh chungin an lo lut a, an lungngai a ni tih an hmel atang chuan a hriat reng a, chung chhangper leh uaiin te chu Isua leh a zirtirte’n zanriah an kil na tura ken phei a ngaih avang leh chumi zana chhungkaw rorelna an neih dawn avanga rawn keng an ni. Salom-i leh a unaunu Lydia-i te chuan lo hlanthlak sak pah leh hau tiith in Isua hnenah chuan chhuak tawh lo tura an tih thu te, an ngaih thu leh amah avanga an chhungkaw boruak rip thute an hrilh mawlh mawlh a.

Salom-i chuan, “zanriah pawh chu I zirtirte nen kil lo mai ula, rem lo ruat vek tawh mahula chhungkaw rorelnaah tal awm ve la ka duh tak zet a ni” tiin Isua kutah a vuan a, a mittui a far zung zung a. Isua chuan a unaunu chu engtin nge a hnem ang a hre bik lo. An unauhoah pawh inchhang bung chiah an nih bakah inkawmngeih bik an ni a, an boruak lah chu hai rual a ni si lo. Isua chuan salom-i hnenah chuan, “nangni chu ka unau te inni a, rebec-i bulah pawh vawi tam ka lo sawi tawh ang khan heta ka tih tura ka pa vana mi ruat chu ka thulh thei lo a ni. Sawi tur dang ka hre bik lo asin” a ti a, kawngkhar bula a nau Lydia-i lo inhru malh malh chu a thlir pah a.

Khua a tlai tawh a, Mari chu pindan pawn lam reng rengah a la rawn chhuak lo a, zing chaw a ei lo a, chhunah lah chuti bawk. A pasal joseph-a tan chuan en liam mai mai har tak a ni. “Lalpa i fapa leh ka fapa hi engngatinge thih tir i tum?” tiin Pathian chu a kar ngat ngat a, Joseph-a pawh chuan han hnem ngaihna vak a hriat loh avangin a bulah chuan ngawi rengin a thu a. Chu inchhung boruak rit tak chu a lo la thleng dawn a ni tih hrelawk mah se a lo thlen meuh chuan chu phurrit chu phur zo reng an awm dawn lo emaw tih tur a ni. Tupawh mai chuan lungngai hmel an pu a, rebec-i- Isua’n a naupan lai atanga a kawm leh an chhungkaw ti hlim ber thintu pawh chuan tih ngaihna vak a hrelo a  ni ber mai .

Isua leh a zirtirte chuan an zanriah kilna tur hmun pan tur chuan an insiam mek a, Joas-a leh Jacoba chuan zui an tum tlat thung a, an nu Mari atang chuan Isua chu a kalsawn an phal lo a ni. Isua erawh chuan tih ngei ngei tur niiin a hria a, a chhungte a thlahlel lo a ni lo a, a Pa remruat tawhsa tih chhiat a duh lo a ni. A chhungte chuan zanlama chhungkaw rorel chu lo buatsaih se, anni’n pindan chugnungah zanriah hnuhnung kil thung se tiin remruatna a siam ta a.

“Ka nu ka kal phawt ang. Lei chu lei a ni, van chu van a ni a, van rorelna chu lei leh a chhunga awmte hian engtin nge an tih buai thieh teh lul ang. Ka lo kal leh dawn ka tih tawh ang bawkin zanriah hnuhnung kan kil zawhah ka lo hawng leh ang a, ka pa nen hun kan hmang ho dawn nia. Chu chu vana ka Pa duhdan pawh a ni si a’ tiin a nu kutah a chelh a, Joseph-a chuan engmah sawi tur reng a hre lo. “Bawiha, ka hria che asin tunge i nih tih hi. Lo haw leh mawlh ang che aw” tiin Isua chhuak tur chu a tah khum hawk hawk a, a mittui kara hmangaihna leh khawngaiihna rawn lang nasat dan chu tehchhuah theih rual a ni si lo.

Zan dar 12 a pel tawh a, Mari te chhungkaw rorel pawh an tin tawh a, Isua te chhungkua erawh mut zai rel reng reng an awm lo. Kawngkhar a rawn ri a, an vai mai chuan an phawk hru a, va pan emaw , lo chhawn pawh an awmw lo. Chu boruak ipik leh rit tak kar atang chuan Josepha’n  a fapa hmangaihna leh thlakhlelhna tilangin Isua lo lut chu a ir chuktuahin a fawp a, “bawiha a tawp a la ni lo tiraw? Engkim hi i siam thar leh dawn tiraw? A ti a, a mittui a parawl kuang a.

Salom-i leh lydia-i te chu Isua kiangah lo kalin a biangah an rawn fawp a, midang zawng nen mu turin an kal a, Isua leh a nu leh pa erawh chu bathlarah titi turin an kal kiang ta a. Rei fe an thut hnu chuan joseph-a chuan Isua hnenah “bawiha i pian hma atangin nangchu mi bik I ni tawh a engkim mai kha khawvel dan pawn vek atanga thleng a ni. Engtin nge tunah hian ka tawrh leh ang a, engtin nge kan boruak hi ka paltlang dawn ka hre lo. I pa vana mi thu hnial thei erawh kan ni si lo a” a ti hnual rawih a. Mari biang no chek chu thlifimin a rawh chhem a, a mittui tlakna lai pawh a hit seng seng a, Isuan a nu biang khawih pah chuan,

“ka nu min tah suh che,  engkim hi a nih tur ang a ni vek a, ka Pa remruatna vek a ni tih ka hrilh tawh che kha. Lei dan leh van remruat zawng a inkalh nuai reng thin asin. naktukah min khengbet ang a, ka kut leh ke a perek an chhun luh lai leh na tin reng khawvel vanga ka tawrh lai pawhin min hre reng ang, chutih hunah chuan keimah ni loin vana ka pa remruatna  a ni tih theih nghilh hauh suh ang che” a ti a

Joseph-a chuan sawi tur reng reng a hre lo a, Pa-in a fapa  a hmangaihna leh a thlakhlelhna chu a sawia sawi fiah rual ni hek lo. Mari chuan “bawiha tunah i bulah ka awm a, ka tawng i hria a, ka taksa i khawih thei a, ka mittui pawh i hru thei mahse naktukah chuan i thei tawh dawn si lo. Ka awte hi ka tahna ah a chau zo tawh asin” a ti a. josepha chu ngawi rengin a kal sawn a, bathlar chhuahna kawngkaah chuan a ding a, a nupui leh fapa chu a thlir reng a.

“bawihte min han khawih te h. Ka duat bawihte, ka fapa, ka hmangaih, ka lalpa” tiih Isua chu a kuah ngaiwh ngawih a. Isua chuan Mari bianga a kut nghatin, “ka nu engpawh thleng se vana ka Pa chuan min thlir a, min awmpui a, min nghak reng asin  khawvel chhandam tura tirh ka ni a, rebec-i pawh hian nangin min hmangaih zat tluk deuhthawin min hmangaih a, mihirngte ang niloin ruat ka nihna ang tih hlawhtlin a ngaih thu in hriat kha. Kraws-ah min khengbetin I aw ngei pawh hre thei tawh lo mahila chu chu a tawpna  ani lo. Engkim mai hi siam thar leh a ni dawn alwm” tiin a tawng mawlh mawlh a, a thinlunga awm zawng zawng han sawi chhuah mai chu a duh a ni; mahse a hun si lo

“i pian hma atanga i lo pian la te, tun thlengin i awmna apiangah thil mak tam tak a thleng a,  I pian zana khualbuk vengtu mak tih zia te, ka unaunnu elizabeth-i ngei pawhin thilmak tam tak zinga mak ber i nih thu min hrilh laite kha ka hre reng asin. Lalpa chuan thilmak mn tih sak leh mai se aw” a ti a, a tah zawm bawrh bawrh a.  “bawiha, ka kuah hmasak ber che atang khan nun tam tak I thlak danglam a, mi tam takin nangmah vangin Pathian an nei a, Pathian ropuizia khawvelin a hria a mahse heti hian an ti leh si a maw? Khawvel leh a chhunga awmte hian heng natna leh lungngaihna hi nang leh kei min pe si a maw?”

Isua chuan a nu mit taka en chung “Engkim ka siam thar leh dawn asin’ a ti a, a tua pawh chuan sawi tur an van hle mai. Isua chuan kawl eng tan chu a thlir a, “ka nu engpawh thleng se i pawm thiam a ngai a ni. Keichu I fapa chauh ka ni lo a, khawvel siamtu Pathian fapa ka ni si a, i mitin a hmuh ang ang chu ka nihna tur a ni” “chu chu alawm hmuh ka duh loh” a rawn ti vat a Mari chuan.  “Engkim hi a tawpna  a ni lo. Ka zirtirte hnena ka sawi tawh ang khan ni thum niah ka tho leh ang a, engkim mai hi ka siam thar leh ang. Ni chhuak pawh a hma aiin a mawi ang a, mihringte chu chhandam an lo ni tawh ang a, misual ber nun paw’n awmzia a nei tah ang.. Ka nu naktuka min khenbeh huna ka tawrhna tur ngaihtuah loin ka thih hnua ka thawhleh huna khawvel lo danglam tur chu thlir la lawm zawk ta che” tiin a nu a hnem mawlh mawlh a, Joseph-a chuan ngaihtuah muk takin a thutna ngaiha chuan a la thu reng a.

Tlangval a ni a, Rebec-i nen an chungchang thu pawh pawh chah a ni tawh a.Sual lak ata khawvel chhandamtu tur a ruat a ni tih chu Isua pianhma atangin Mari te nupa chuan an hre tawh a, mahse a hun a rawn thlen tak tak meuh chuan mihring mit leh ngaihtuahna atangin a fapa chu a thlir lo thei si lo. A fapa a thlir a, a na a, a pasal joseph-a a en leh a, a khawngaih a ni. Chu zing nichhuak tibaiawm leh huatawm, huphurhawm si chu hmaah chuan a kun a, “Lalpa, ka Pathian ka nunin a chawimawi che a, ka fapa pawn I hming a ti mawi e. i fapa leh ka fapa, ka hmangaih leh ka duat, ka enchimloh,  ka naute leh ka Lalpa chu engngatinge vuak thitlina awm a, kraws-a khenbeh tur a i lo tih mai aw” tiin a tap vawng vawng a.

Engkim a nih tur angin a ni vek ta, Isua an vuak laite chuan a chhungte chu inchhungah an inkhung a, an tap a; Josepha leh a fapa dangte tan pawh chuan pachan a har viau a ni. Lydia leh salom-i pawh chuan an unaupa khawvel chhandamtu a nih avanga lawm turin an nuta te chu an lo hnem mawlh malwh reng a. Chumi hunlai chuan Mari leh rebec-i erawh luruh hmun lam panna kawnga nuho zingah an ding a, Mari lungchhe lutuk tah ngaihna hrelo chuan a fapa tih duhdah leh vuak tuar mek chu a thlir ngawih ngawih a, na takin rebec-i kut chu a hmer leh vawng vawng a,  vawikhat tal a fapa tawrh ai tuar thei  se tiin a inhnem a, lal remruat a ni der si lo. Luruh hmun lam pana Isua’n kraws a put lai chuan nuho tap chu a va hnem a,  a nu leh Mari lam va hawi chuan, “ka nu engngatinge i tah? I hmuh ang ang chu ka nihna  a ni a, pa remruatna fel tak hnuaia thleng vek a ni, mumang a ni lo a nia. Hei hi a tawpna a ni lo. Engkim mai hi siam tharin a awm dawn a ni. Tap suh u, lawm rawh u” a ti a, hah takin; thisen bual nuai chung chuan Isuan Luruh hmun a pan lai chu a thlir a, “lalpa ka fapa, ka hmangaih, ka naute leh ka lalpa chuan a chawimawi che a, thi turin khawvel sual a kalpui tak saw. En teh, ka pa, van ami; thilmak chu rawn thlen tirin khawvel chu han din thar teh se” tiin mittui hru mawlh mawlh pah chuan Isua hah taka a kal chu a thlir a.

[zeldin thubawl.inspired by the song new again :) ]


6 comments:

  1. This comment has been removed by the author.

    ReplyDelete
  2. Lovly wow Read your Post Because Your Post Is very interesting thank you so much give us information keep posting good luck ……………….
    Vasant Vihar escorts
    saket escorts
    Call girls in delhi
    Call girls in gk
    Lajpat nagar escorts
    Noida escorts

    ReplyDelete

  3. We are a professional carding team with a large ring around the globe. With over 2 million ATM infected with our malware and skimmers, we can grab bank card data which include the track 1 and track 2 with the card pin. We in turn clone this cards using the grabbed data into real ATM cards which can be used to withdraw at the ATM or swipe at stores and POS. We sell this cards to all our customers and interested buyers worldwide, the card has a daily withdrawal limit of $2500 on ATM and up to $50,000 spending limit on in stores.
    order now:
    Here is our price lists for the ATM CARDS :
    BALANCE: PRICE..

    $5,000:: $200

    $10,000: $500
    $20,000: $1000
    $35,000: $1700
    $50,000: $2500
    $100,000: $5000

    The prices include the shipping fees and charges, order now: Contact us: +17196954436 Email.......adrianolamowizardatm@gmail.com



    ReplyDelete