happy birthday jen

When the simple song fades away
You are all stripped away
And before you know
The song stopped to glow
Still you stood there in the dark
Waiting the song to put your heart on mark
As pilgrim we always be
Swiftly the song put lullaby for you to see
“So many souls” you whisper
“Are like mine that render”
“So many souls” we whisper

angelte luaithli nul kha

ANGELTE LUAITHLI NUL KHA
      MSI@Rose,Lunglei



 Zanin zet zawngthla a eng mawi kher mai. Arsi phe un kara arsi eng bik chu ka thlir a,ka ngaihtuahna hi ahruai kual nasa ngei mai. Ka hma zawn a tlangval rual hlim taka meilum ai chuan min hip hle mai a,chu tlangval rualte chu tute nge an nih a,eng ti turin nge chu mual pawng ah chuan an kal khawm ka hre lo,ka hriat duh ber pawh a ni hek lo,amaherawh chu ka ngaihtuahna khalhding tura an lo awm erawh vannei ka ti hle mai,an chung ah ka lawm tak meuh a,ka thinlung in an meilum chu ka va aipui ve ta thung a
 chu zan thla eng mawi no tak hnuai ah chuan keimahin ka thu a,khawvel hi engnge maw a nih a ka lo thlakhlelh ve em em le ti ten ka ngaihtuah a. Tlangval rual hlim nui ri chuan min kai harhin ka pindan lam pan ka tu mek lai chuan ka’n hawi let a,ka chung zawn a arsi lo de vet vet chu ka han hmu ta,chu arsi chuan ka thinlung  akhawih kher mai.ka ngaihtuahna te hria in a chunga ka lawm zia hi hria se zawng tun ai khian ka tan a eng ngei ang. mahse fak phu si,fak phut si lo chuan lungawi takin ka chung zawn ah a eng chu ani si a,chu arsi hnuai ah chuan mi tam tak an awm ve tho awm si a,eng ang in nge an ngaih ve ang le,an fakna ri te chu thamral mai tur chuan ka va’n ui tak em!

lawm phawt ang aw(THANK YOU)

THANK YOU
Msi@Rose


I lawm ngam em?
Malsawmna dawng ngai reng reng lo a inhria mi tam tak zinga nu pakhat chuan a fate hrisel lohzia leh an pawisa neih loh min hrilh hrep mai a,'e' tih baka chhan dan ka hriat miau loh avangin a tawp thlengin 'e' ka ti mai a,an thenawma tlangval sum an neihloh avanga zirlai zir chhunzawm thei lo erawh chu lungawi takin a inhlawh a,a inkhawm bawk a,a hlim tho mai, chu tlangval erawh chuan malsawmna a dawn nasat zia bak sawi tur a hre hauh lo thung mawle

ka thian i tan

KA THIAN
Msi@ @rose


Kum hnih vel zen zawn chu a ni ta. Hmeichhia kara ka chimawm leh fing var loh vanga inhria kan ni tih hi tun kum hnih chhung khan ka hmuhchhuah chu mawle.A tir ah khian i hria em? Darthlalang phen ah ka awm ngai lo tih kha
Hun hi a mak tiraw? Kan pianga kan thi leh si te hi mak ve deuh asin. Mihring hi ropui tura piang kan ni tih hi I pawm ve em ka hre lo. Ropuina kan tih te hi tlang sang taka lawna hlawhchhuah tur emaw kan tih lai hian tuiril kan nih lai atang khan kan lo ropui daih tawh asin-chutiangin nangpawh.

FAR KHAT CHIAH

FAR KHAT CHIAH

Msi @ Rose

Mimi-i te chhungkua tan chuan krismas thilpek tih vel chu an tan a nih ve loh avangin chutiang thawm engmah hriattur a awm ve ngai lo. Krismas ni a nih avanga sa hmeh pawh tih thanah an nei lem lo a, mahse krismas thawmhnaw thar leh naupang lawm erawh mi fate’n an nei thin tih erawh an hre kar thung a ni. Kan veng a inan avang leh kumtluana a chawhmeh kharchhawn nen ka hmuh thin a vangin Mimi-i te chhungkua chu ka hrechiang ve hle a, kohran inang kan nih bakah kan biakin kalkawnga awm an nih avangin an chanchin chu ka hre hneh ve hle a, kan inah pawh an lo chuangkai fo a mahse ka lo uksak vak ngai lem hlei lo a. A pasalin a uire san a fanu pahnih leh a fapa pathum chu a enkawl a, zu zuar piangthar mah nise Pathian a rinna chuan a pui tlat thin. Pa telloin bakberh takin a fate a enkawl hram hram a, tun kum reilote chhung khan a nun chuan hun hrang hrang a tawng a,a fate lah chuan an hrethiam tak tak thin si lo. An hriat zawng chu an nu Mimi-i chu tlaiah chau takin a lo haw a,a thut hahdam hunah tuilum intur lo pek tur a ni tih erawh chiang takin an hre thung a ni.

ka perhkhuang lamtluang

Ka Perhkhuang lamtluang
MSI@Rose,Lunglei

"Ain’t no diamonds I dreamt
A rag lady will awlways I be
But just to touch the string and sing a lullaby"

ka rawn ti ve leh ta phawng mai. Guitar perh ka thiam hma chuan “ka perh khuang zai tin thiam” tih hla te hi chu ka tan engmah an ni ve lo, ka kut in rimawi a siam chhuah ve thiam miau loh vang in kan choka thutthlenga ka pa tingtang ‘Givson’ ngei ami chu hnawmhnawk a tlin tep thin a,nilenga ka melh khat a chan loh chang pawh a tam mai. Mahse guitar hi an lo siam chhuak lovang tih hlau ber te zinga mi chu ka ni ve tho mai,rimawi ka ngainat tluk zet in 'Slash' hi ka ngaisang ve tho mai mawle.

what i think-within babies, beyond a womb

What I think
Within a Babies, beyond a womb

Msi@roseLunglei


Love led by the mother to her child is inevitable. If you ever look into the eyes of the neonates you will have an abstract noun flying over your heads. I know you will have that munchies crunchy juicy feelings and grapes your nails as if it is among those little brittle glasses you’ve seen in an old building.

accolation of her love

ACCOLATION OF HER LOVE
Msi@Rose


One day shy of just a teen they me
Love was far like was near at an age of unfledged love
Since they met for a while-they never met
A façade was all they got but spur was the love

Providence present love anew to new world
Been on 20’s now had a chance to live on love
Fear madness of love shows on by conjure
Love was found, like was near at age of fledge of love

He need be closed to her for he love her so
He needs none to nullify the love
Stipple afore for her to be in a mansion
Where love ne’r grew old

He had past and she don’t care
She had past either he care for love is their tower
All on miles, a much distance doesn’t matter
Treasured the words, kept a promise to ablaze the love

Love be huddled and accolade
For empty souls find place to rest
She pondered for him to add love
Give mirth of love for she love him so

KA LUNG A LENG A NIA

Chhun nisen sa vawl vawl hnuaia rannung hram ri te chuna min aw hle thin. Hlim takin lungkham nei lem loin an hram a,ka thluak ka sawrbing a, ka inhumruh tak chiam hnu chuan lungkham nei chu mihringte chauh hi kan ni tih ka hre reng bik ta lo. Siamtuin thluak min pe a, kan chhia leh tha hriatna tiin chhuang takin kan thluak chu kan kawk a, hriatna thazam tam takah chuan hriattur thil tam tak kan thun belh a, a belhchhah turin nitin kan hawikual bawk thin. Kan duh leh duh loh thleng kan thil tawn chu kan hnawh lut a, thamral lo mitthla atan engngemawni ber chu kan zuah thin. Chu kan thluak kan chhuan ve em em zat mang lo thluak nei therengte chuan lungkham engngemaw an nei ve zawng a nia nge.

chhawr deuh reuh thla.. @ 24.aug

'oooooo....' ti a rimawi dam dap nen, zan thla eng hnuaiah keimahin ka thu a, zan boruak dai dam dep a thla eng bial kelh mai nena inchhai zawng a nuam mang e. Hetiang hun hi alawm a bak dil belh tur ka hriat loh hun chu.

Engmah nei lo mah ila,ka hausak hun chu hetih hun hi a ni asin,zan thla eng hnuaiah hian alawm lungmantam zawng zawng pawh ka thlakhlelh loh hun chu. Tunah heti hian pawnah ka thu a,engnge ka thlakhlelh chuang ang tiin ka inzawt zawn fo asin. Hmanah..hmanah nula pawh an upat em em lai khan khi thlapui roh khian min zem â tawh a,nula mai pawh ni tawh loin naupang 'nutei' ka nih hnuah pawh min la zêm â ta tho mai a..

thinlung thianghlim ka va'n duh em!!!

Thinlung thianghlim tlan velte chuan a kianga bawlhlawhte hmuh nachang hre lo khawpin a thianghlim a ni. thinlung thianghlim neih dilin min siamtu chu chhun zanin ka kar a, thinlung thianghlim min pe dawn emaw ka tih laia min chhanna chu 'hmanah khan thinlung thianghlim pekin ka awm tawh' tih hi. Khatih hunlai khan thinlung thianghlim ka pu a ni tih hre lo khawpa thianghlim thinlung ka pu a,ka bul vela thinlung tih bawlhhlawh a awmte chu engin nge an thawi thianghlim ang a, engtia thawi thianghlim tur nge tih ngaihtuah pha lek loin ka kianga bawlhlawh pawh ka hmu lo thin a nih kha.. Thawithianghlim ngai lo khawpa thianghlim, siamtuin a duh ang thlapa a dah, mihring tana zut mam leh chuang ngai lo khawpa thinlung thianghlim kha ka dam chhunon vawikhat chiah,hun khat chiah ka pu a ni si. Siamtu hnen ka pan dawn hunah pawh he thinlung thawithianghlim chawp ngai ai chuan hmana thinlung min min pek nena a hnen pan ka va'n chak em!!

ka mihriat chu!

Ka damchhan ka hai fo chung pawn min hai ve ngai si lo
Ka theinghilh chang apiangin min hrereng fo
Ka tawrhna ka hriatreng laiin a tawrhna a hre reng si lo
Ka diriam apiangin min diriam loin min kuangkuah thin
Ka finna ka chhuan poh leh ka atna a ni tih min hrilh a
Ka tlakchham apiangin a hausaknain min vur thin
Ka taksa hi chaklo mahse a chakna ka tan a ui ngai lo a
Thima ka tlanluh apiangin ka thinlunga eng awmchu min phochhuah sak thin
Ka chaklohna chu ka chaknaah min siam a
Ka tlin lohna chu ka tlinnah min pawmsak thin
Thinlun lungkham tlakloh ka neihte chu rangkachakin min lian sak a
Felfamkimlo ka nihna chu ka felnaah min pawm sak a
Heti tehreng hian ka chau a ni tih pawh ka inhriat hma hauhin min kaitho a
Lungkhamna khawvelah hian ka lungkham lothlawn tur te min paihsakin
A lungkhamin min thuam ta zawk a
He hun hi a ni a bak dil belh tur ka hriat ngailoh chu
Nakinah, nakinah chuan ka hun tur min siam sak chu min la pe ang
Tuah erawh k duh ber chu tun
He hun hi a lawm a bak dil belh tur hun ka hriatloh hun chu
A ni nena len dun hun hi